Live Blog: ఈరోజు (మే-25-సోమవారం) ఆంధ్రప్రదేశ్-తెలంగాణా బ్రేకింగ్ న్యూస్!

ఆంధ్రప్రదేశ్ లో మరోసారి పెరిగిన కరోనా కేసులు

-44 మందికి కోవిడ్19 పాజిటివ్ గా నిర్ధారణ జరిగింది.

-అలాగే 41 మంది కోవిడ్ నుండి కోలుకొని డిశ్చార్జ్ అయ్యారు.

-ఇక రాష్ట్రం లోని నమోదైన మొత్తం 2671 పాజిటివ్ కేసులకు గాను 1848 మంది కోలుకున్నారు.

-ఇప్పటి వరకు 56 మంది మరణించారు.

-ప్రస్తుతం రాష్ట్రవ్యాప్తంగా క్రియాశీల పాజిటివ్ కేసులు 769గా ఉన్నాయి.

- విశాఖజిల్లా పాడేరు లో గిరిజన సంఘం కార్యాలయం వద్ద గిరిజన సంఘం ఆధ్వర్యంలో ఉద్యోగులు 24గంటల నిరాహారదీక్ష,

- జీవో 3 రద్దు పై సుప్రీంకోర్టులో రాష్ట్ర ప్రభుత్వం రివ్యూ పిటిషన్ వేయాలి,

- కేంద్ర, రాష్ట్ర ప్రభుత్వాలు ఆర్డినెన్స్ జారీ చెయ్యాలి, గిరిజన సలహా మండలి ద్వారా చర్చించి 100% ఉద్యోగాల రిజర్వేషన్ చట్టబద్ధత కల్పించాలి,

- ఏజెన్సీ లో ఉన్న ప్రతిశాఖ కాంట్రాక్ట్,ఔట్ సోర్స్ంగ్ పోస్ట్లు గిరిజనులతో భర్తీ చెయ్యాలి,

- ప్రవేటు రంగంలో ఆదివాసీలకు రిజర్వేషన్ కల్పించాలి,

- ఐటిడిఎ లో ఉద్యోగాలు స్థానిక గిరిజనులతోనే భర్తీ చెయ్యాలని డిమాండ్.

- గుంటూరు జిల్లా, బాపట్ల మండలం, మరుప్రోలువారి గ్రామంలో దారుణం

- విష ఆహారం (కొంగల మందు) తిన్న మరుప్రోలు వీరారెడ్డి, భార్య రమణ, కుమార్తె పోలేర.

- వీరారెడ్డి పరిస్థితి విషమం. భార్య రమణ, కుమార్తె పోలేర మృతి.

- ఆత్మహత్యకు కారణాలు తెలుసుకుంటున్న పోలీసులు.

టీడీపీ నాయకుడు కూన రవికుమార్ అరెస్ట్‌కు రంగం సిద్ధం

- మాజీ ప్రభుత్వ విప్, టీడీపీ నేత కూన రవికుమార్ అరెస్ట్‌కు రంగం సిద్ధం

- పొందూరు తహసీల్దార్‌ను దుర్భాషలాడారంటూ రవికుమార్‌పై కేసు నమోదు

- కూన రవికుమార్‌పై పోలీసులు 353, 506, రెడ్ విత్ 34 సెక్షన్ల కింద కేసు నమోదు

- శ్రీకాకుళం శాంతినగర్ కాలనీలో పోలీసులు తనిఖీలు

- అజ్ఞాతంలోకి వెళ్లిన కూన రవికుమార్

- కడప జిల్లా  గోపవరం మండలం రెవెన్యూ సర్వేర్ శివకుమార్ పై కేసు నమోదు...

- నివాస స్థలం పట్టా విషయంలో తనను లైంగికంగా వేధిస్తున్నాడని మామిడి సుబ్బలక్ష్మమ్మ ఫిర్యాదు 

- ఈ మేరకు బద్వేలు రూరల్ పోలీస్ స్టేషన్లో కేసు నమోదు.

అన్నవరం వద్ద రోడ్డు ప్రమాదం

- ఆగి ఉన్న లారీని డి కొన్న కారు.

- కారు లో ముగ్గురు ప్రయాణికులు.ఇద్దరికి గాయాలు.

- ఒక వ్యక్తి కోన ఊపిరి తో ఉన్నట్లు సమాచారం.

- తూర్పుగోదావరి జిల్లా అన్నవరం బైపాస్ వెలమ పేట పుంత రోడ్డు వద్ద ఘటన 

- కారులోని వ్యక్తులు వియనగరం వెళుతున్నట్లు సమాచారం

- పూర్తి వివరాలు తెలియాల్సి ఉంది 

విజయవాడలో శ్రీవారి ప్రసాదం

- విజయవాడలో ఈరోజు నుంచి భక్తులకు అందుబాటులోకి శ్రీవారి ప్రసాదం

- భక్తులకు అందుబాటులో తిరుమల శ్రవేంకటేశ్వరస్వామి వారి ప్రసాదం

- నగరం లోని టీటీడీ కళ్యాణ మంటపం లో విక్రయాలు

- శ్రీవారి లడ్డూ ఒక్కటి రూ 25/-

- ఇప్పటికే తిరుమల నుండి విజయవాడ కు చేరుకున్న 20 వేల లడ్డూలు

ఏపీలో ఈ నెల 29 లేదా 30 నుంచి మరో విడత రేషన్

- ఉచిత సరుకుల పంపిణీకి సమాయత్తం

- రాష్ట్రంలో పేదలకు ఐదో విడత ఉచిత సరుకులు పంపిణీ చేసేందుకు సీఎం వైఎస్‌ జగన్‌ గ్రీన్‌ సిగ్నల్‌ ఇచ్చారు.

- ఈ నెల 29 లేదా 30 నుంచి సరుకులను పంపిణీ చేసేందుకు అవసరమైన చర్యలు తీసుకుంటున్నట్లు పౌర సరఫరాల శాఖ ఎక్స్‌ అఫీషియో కార్యదర్శి కోన శశిధర్‌ వెల్లడించారు.

- ఈ దఫా కూడా కార్డులోని ఒక్కో సభ్యుడికి 5 కిలోల బియ్యంతో పాటు కార్డుకు కిలో కందిపప్పు ఇవ్వనున్నారు.

- నేడు వైసీపీ ప్రభుత్వ ఏడాది పాలనపై మేధోమదన సదస్సు

- వైసీపీ ప్రభుత్వ ఏడాది పాలనపై మన పాలన-మీ సూచన పేరుతో ఈరోజ ఉదయం 11 గంటలకు మేధోమదన సదస్సును నిర్వహించనున్నారు.

- గ్రామ, వార్డు, సచివాలయాలు, సంక్షేమం - పాలన వ్యవస్థలో వికేంద్రీకరణపై ఈ సమావేశంలో ప్రధానంగా చర్చించనున్నారు.