Live Blog: ఈరోజు (మే-25-సోమవారం) ఆంధ్రప్రదేశ్-తెలంగాణా బ్రేకింగ్ న్యూస్!

ఈరోజు నుంచి శంషాబాద్ ఎయిర్ పోర్టుకు విమాన రాకపోకలు మొదలవుతున్నాయి.

ఈరోజు నుంచి జూన్ 30 వరకూ ఎయిర్ పోర్టు నుంచి రాకపోకలు సాగించే విమానాల వివరాలను ఆదివారం విడుదల చేశారు.

శంషాబాద్ ఎయిర్ పోర్టు నుంచి దేశంలోని వివిధ ప్రాంతాలకు మొత్తం 140 విమానాలు రాకపోకలు సాగిస్తాయని తెలుస్తోంది. 

మహారాష్ట్ర మాజీ ముఖ్యమంత్రి అశోక్ చవాన్ కు కరోనా పాజిటివ్

- మహారాష్ట్రలో కరోనా కలకలం రేపుతోంది.

- రాష్ట్ర ప్రస్తుత మంత్రివర్గ సభ్యుడు, మాజీ ముఖ్యమంత్రి అశోక్ చవాన్ కు కరోనా పాజిటివ్ తేలింది.

- ఈయన తన స్వగ్రామానికి తరచూ వెళ్లి వస్తుండడంతో కరోనా సోకి ఉంటుందని అనుమానిస్తున్నారు

- కాగా మహారాష్ట్రలో కరోనా ఉధృతి కొనసాగుతూనే ఉంది. 

పేద ముస్లింలకు రంజాన్ తోఫా

విశాఖపట్నం: పేద ముస్లింలు రంజాన్ పండగను సంతృప్తిగా నిర్వహించుకోవాలని రంజాన్ బహుమతిగా మా ప్రేమ స్వచ్ఛంద సంస్థ నిర్వహకుడు తోట ముకుంద్ అన్నారు. విశాఖలో మూడు వందల మంది పేద ముస్లింలకు రంజాన్ బహుమతి అందించారు. తాను చదువుకున్న రోజుల నుంచి ముస్లిం కుటుంబాలతో సత్సంబంధాలు కలిగి ఉండటం వల్లనే వారి పండగలో భాగస్వామిని అవుతున్నాని ముకుంద్ అన్నారు. రంజాన్ బహుమతిగా నిత్యావసరాలను అందిస్తున్నామన్నారు. లాక్ డౌన్ సందర్భంగా ఇప్పటి వరకు 6 వేల మందికి నిత్యావసరాలు అందజేసినట్టు ముకుంద్ వివరించారు.

సింహగిరిపై ఉద్యానవనం అభివృద్ధికి శ్రీకారం

సింహాచలం: సింహగిరిపై స్వామివారి ప్రధాన ఆలయం వెనుక కొండవాలు ప్రాంతంలో ‘శ్రీస్వామి వారి ఉద్యానవనం’ పేరిట దేవతా వృక్షాల వనాన్ని అభివృద్ధి చేయనున్నట్లు ఈవో ఎం.వెంకటేశ్వరరావు తెలిపారు. ఇందుకు సంబంధించిన పనులను ఆయన ప్రారంభించారు. హిల్‌టాప్‌ రహదారిలో దశాబ్దకాలంగా నిరుపయోగంగా మారిన అతిథి గృహాలను తిరిగి వినియోగంలోకి తీసుకొచ్చే క్రమంలో ఈ పనులు చేపట్టామన్నారు. ఇప్పటికే ఈ ప్రాంతాన్ని చదును చేసి తుప్పలు, పిచ్చిమొక్కలు తొలగించామన్నారు. చదును చేసిన ప్రాంతంలో సుమారు 15వేల సంపెంగ, శ్రీచందనం, మారేడు, నేరేడు, పనస, వేప, జువ్వి, రావి వంటి దేవతా వృక్షాలను పెంచుతామన్నారు. కరోనా కారణంగా నిలిచిపోయిన పనులను తిరిగి ప్రారంభించామన్నారు.

చంద్రబాబు విశాఖ పర్యటన అడ్డుకునేందుకే కుట్ర: అచ్చెంనాయుడు

విశాఖపట్నం: విశాఖ పర్యటనకు అనుమతి ఇచ్చినట్లే ఇచ్చి, విమాన సర్వీసులను నిలిపేయడం వైసీపీ ప్రభుత్వ కుట్రగా టీడీఎల్పీ ఉపనేత అచ్చెన్నాయడు ధ్వజమెత్తారు. సోమవారం ఒక్కరోజే ఏపీకి విమాన సర్వీసులు బంద్ చేయడం వైసీపీ కుట్రలో భాగమేనన్నారు. ఒక్కరోజే విశాఖ, విజయవాడ ఎయిర్ పోర్టుల మూత వేయడం, మళ్లీ మంగళవారం సర్వీసులు ఉన్నాయని చెప్పడం దీనికి బలం చేకూరుస్తోందని చెప్పారు.

హెచ్ఎంటీవీ లైవ్ అందరికీ పవిత్ర రంజాన్ శుభాకాంక్షలు.తెలియచేస్తోంది