Lifestyle: సన్‌స్క్రీన్‌ ఉపయోగిస్తున్నారా.? ఈ జాగ్రత్తలు పాటించాల్సిందే..!

Lifestyle: రోజురోజుకీ ఎండ తీవ్ర పెరుగుతోంది. ఈ కారణంగా చర్మం వేడి, పొడిబారడం, వయసు చూపించడం, ఎర్రదనంతో పాటు క్యాన్సర్‌కు కూడా గురయ్యే ప్రమాదం ఉంది. అటువంటి సమస్యల నుంచి తప్పించుకోవడానికి సన్‌స్క్రీన్ చాలా అవసరం. అయితే ఏది పడితే సన్‌స్క్రీన్ తీసుకుంటే సరిపోదు. మీ చర్మం కోసం సరైనదాన్ని ఎంచుకోవడం తప్పనిసరి. ఇంతకీ సన్‌ స్క్రీన్‌ సెలక్ట్‌ చేసుకునే ముందు ఎలాంటి జాగ్రత్తలు తీసుకోవాలో ఇప్పుడు తెలుసుకుందాం.

* SPF (Sun Protection Factor) అన్నది UVB కిరణాల నుంచి మీ చర్మాన్ని ఎంతమేర రక్షించగలదో సూచిస్తుంది. రోజువారీ అవసరాలకు కనీసం SPF 30 ఉండే సన్‌స్క్రీన్ ఎంచుకోండి. ఎండ ఎక్కువగా ఎదుర్కొనే వారు SPF 50 లేదా అంతకంటే ఎక్కువ ఉన్నదాన్ని ఉపయోగించడం మంచిది.

* "Broad Spectrum" అని లేబుల్ ఉన్న సన్‌స్క్రీన్ UVA, UVB రెండింటి నుంచీ రక్షణ కల్పిస్తుంది. UVA అంటే చర్మాన్ని వేళ్లదించడమే కాదు, వృద్ధాప్య లక్షణాలకూ కారణం. UVB అంటే ఎర్రదనం, బర్న్‌లకు కారణమవుతుంది. ఈ రెండు కూడా చర్మ క్యాన్సర్‌ను కలిగించే ప్రమాదం కలిగి ఉంటాయి. అందుకే "Broad Spectrum" తప్పనిసరిగా చూసుకోవాలి.

* ప్రతి ఒక్కరి చర్మం ఒక్కలా ఉండదు. దానికి తగిన ఫార్ములా ఎంచుకోవాలి. జిడ్డుగా ఉండే చర్మానికి జెల్ లేదా వాటర్ బేస్డ్ సన్‌స్క్రీన్ బెటర్. పొడి చర్మానికి మాయిశ్చరైజింగ్ గల క్రీమ్ బేస్డ్ సన్‌స్క్రీన్ ఉత్తమం. సున్నితమైన చర్మం ఉన్న వారు ఫ్రాగ్రెన్స్ లేకుండా ఉండే, మైల్డ్ ఫార్ములా వాడాలి.

* సన్‌స్క్రీన్‌లో ఉండే ముఖ్యమైన పదార్థాలు కూడా ఎంతో ముఖ్యం. జింక్ ఆక్సైడ్, టైటానియం డయాక్సైడ్ ఇవి ఖనిజాలు, చర్మంపై మృదువుగా పనిచేస్తాయి. రసాయనాల పరిమాణం తక్కువగా ఉండే ఉత్పత్తులు ఎక్కువ మంచివి.

* గడువు తీరిన సన్‌స్క్రీన్ పనిచేయకపోవడమే కాదు, చర్మానికి హాని కలిగించే అవకాశమూ ఉంది. కొనుగోలు చేసే ముందు ఎప్పటికీ గడువు తేదీని పరిశీలించండి.

సన్‌ స్క్రీన్‌ వాడకపోతే ఏమవుతుంది.?

సన్‌ స్క్రీన్‌ ఉపయోగించకుండా ఎండలో తిరిగితే చర్మంపై దద్దుర్లు వస్తాయి. చర్మం పొడిబారడం లేదా మంట వస్తుంది. చర్మం రంగు మారుతుంది. దీర్ఘకాలిక ఎండ రక్షణ లేకపోతే చర్మ క్యాన్సర్ ప్రమాదం పెరుగుతుంది.

గమనిక: పైన తెలిపిన విషయాలు కేవలం ప్రాథమిక సమాచారంగానే భావించాలి. ఆరోగ్యానికి సంబంధించి వైద్యుల సూచనలు పాటించడమే ఉత్తమం.