Car Insurance: కారు యాక్సిడెంట్‌ అయిన తర్వాత ఈ తప్పులు చేస్తే ఇన్సూరెన్స్‌ దక్కదు.!

ఈ రోజుల్లో కార్ ఇన్సూరెన్స్‌ ఓ ఆప్షన్‌ మాత్రమే కాదు, ప్రతి కారు యజమానికి తప్పనిసరి అవసరంగా మారింది. కారు ప్రమాదాలు పెరుగుతున్న నేపథ్యంలో సరైన ఇన్సూరెన్స్‌ ఉంటే ఆర్థిక నష్టాల నుండి రక్షణ చట్టపరమైన సమస్యల నుండి కూడా బయటపడవచ్చు. అయితే, ప్రమాదం జరిగిన తర్వాత కొన్ని ముఖ్యమైన జాగ్రత్తలు పాటించకపోతే, మీరు వేసే ఇన్సూరెన్స్ క్లెయిమ్‌ రిజెక్ట్‌ అయ్యే అవకాశాలు ఎక్కువగా ఉంటాయి.

భారతదేశంలో రోజూ వందలాది రోడ్డు ప్రమాదాలు జరుగుతున్నాయి. ప్రభుత్వం విడుదల చేసిన నివేదికల ప్రకారం, ప్రతి మూడు నిమిషాలకు ఒకరు రోడ్డు ప్రమాదంలో ప్రాణాలు కోల్పోతున్నారు. ఈ పరిస్థితుల్లో కార్ ఇన్సూరెన్స్‌ యొక్క ప్రాధాన్యం మరింత పెరిగింది.

కారు ప్రమాదం తర్వాత తప్పక పాటించాల్సిన జాగ్రత్తలు:

గాయాల చికిత్స: ఎవరికైనా గాయాలైతే, వెంటనే అంబులెన్స్‌కు సమాచారం ఇవ్వాలి. కారులో ఫస్ట్‌ ఎయిడ్‌ కిట్‌ను ఉపయోగించాలి.

ఇన్సూరెన్స్‌ కంపెనీకి సమాచారం: ప్రమాదం జరిగిన 24 గంటల్లోపు కంపెనీకి సమాచారం ఇవ్వాలి. ఆలస్యం చేస్తే క్లెయిమ్‌ తిరస్కరించే ప్రమాదం ఉంటుంది.

FIR నమోదు: థర్డ్‌ పార్టీ డ్యామేజ్‌, గాయాలు, లేదా వాహనం దొంగతనానికి సంబంధించిన సంఘటనలు జరిగితే, దగ్గర ఉన్న పోలీస్‌ స్టేషన్‌లో FIR ఫైల్ చేయాలి.

ఫోటోలు, ఆధారాలు: ప్రమాద స్థలంలో తీసిన ఫొటోలు, ఇతర వాహనాల సమాచారం, వారి డీటెయిల్స్‌ సేకరించాలి.

డాక్యుమెంట్లు సిద్ధం చేయడం: డ్రైవింగ్ లైసెన్స్‌, RC, ఇన్సూరెన్స్ పాలసీ కాపీ, రిపేరు బిల్లులు వంటి డాక్యుమెంట్లు సమర్పించాలి.

సర్వేయర్ పరిశీలన: ఇన్సూరెన్స్‌ కంపెనీ సర్వేయర్‌ను పంపి నష్టాన్ని అంచనా వేస్తారు. అప్రూవల్‌ అనంతరం క్లెయిమ్‌ను క్యాష్‌లెస్‌ లేదా రీయింబర్స్‌మెంట్‌ ద్వారా సెటిల్‌ చేస్తారు.

కార్ ఇన్సూరెన్స్ క్లెయిమ్‌కి commonly చేసే తప్పులు:

పాలసీ రెన్యూవల్‌ ఆలస్యం చేయడం

మద్యం తాగి డ్రైవింగ్ చేయడం

డ్రైవింగ్ లైసెన్స్ లేకపోవడం

కారులో మాడిఫికేషన్స్ చేసి కంపెనీకి సమాచారం ఇవ్వకపోవడం

అవసరమైనప్పుడు FIR ఫైల్ చేయకపోవడం

ఈ చిన్నచిన్న తప్పులు చివరికి పెద్ద నష్టానికి దారితీస్తాయి. కాబట్టి, మీ వాహనాన్ని బీమా చేయించుకునేంతవరకు కాదు – ప్రమాదం జరిగిన తర్వాత కూడా అన్ని ప్రాసెస్‌లను సరిగ్గా ఫాలో అయితేనే మీరు పూర్తి ప్రయోజనం పొందగలరు. అప్రమత్తంగా ఉండండి, సురక్షితంగా ప్రయాణించండి.