ఉంఫాన్ పెను తుపాను లైవ్ అప్ డేట్స్ : ఒరిస్సాలో ముమ్మరంగా తుపాను సహాయక చర్యలు

తీరం దాటిన ఉంఫాన్

ఉంఫాన్ పెను తుపాను సాయంత్రం 7 గంటల సమయంలో తీరం దాటింది.

మధ్యాహ్ట్నం 2.30 గంటల నుంచి సాయంత్రం 7 గంటల వరకూ ఈ తుపాను తీరం దాటే ప్రక్రియ కొనసాగింది.

 బెంగాల్‌ - బంగ్లాదేశ్‌ మధ్య సుందర్బన్‌ సమీపంలో ఈ పెను తుపాను తీరం దాటినట్టు వాతావరణ శాఖ ప్రకటించింది. 

ఉంఫాన్ తీరం వైపు కడులుతోందిలా..

ఉంఫాన్ పెను తుపాను వేగంగా తీరంవైపు కదులుతోంది. ఇప్పుడు ఈ భీకర తుపాను కదలికలు ఎలా ఉన్నాయో ఇక్కడ చూడొచ్చు..

ఉంఫాన్ తుపాను ముప్పు నేపధ్యంలో వలస కార్మికులను తీసుకుని వెళ్ళాల్సిన రైళ్ళను రద్దు చేశారు.

ఉంఫాన్ తుపాను ముప్పు ఎదుర్కుంటున్న ఓడిశా తీర ప్రాంతాల నుంచి ఇప్పటి వరకూ 1,04,000 మంది ప్రజలను సురక్షిత ప్రాంతాలకు తరలించారు.

ప్రజలకు అండగా ఓడిశా అధికారులు అవిశ్రాంతంగా శ్రమిస్తున్నారు. ఇంకా పలువురిని తరలించే ప్రయత్నం చేస్తున్నారు. 

పశ్చిమ బెంగాల్ - ఓడిస్సా ఉత్తర ప్రాంతాలకు  తుపాను హెచ్చరిక : పెను తుపాను ఉంఫాన్ పశ్చిమ బెంగాల్ - బంగ్లాదేశ్ తీర ప్రాంతాల మధ్యలో ఉన్న హతియా ఐలాండ్ (బంగ్లాదేశ్) వద్ద తీరాన్ని తాకే అవకాశం ఉంది. ఈ సాయంత్రం తుపాను తీరాన్ని తాకుతుందని అంచనా వేస్తున్నారు.

ఉంఫాన్ తుపాను ముప్పు ఉందని భావిస్తున్న పశ్చిమ బెంగాల్ లో ముందు జాగ్రత్త చర్యగా ప్రజలను సురక్షిత ప్రాంతాలకు తరలిస్తున్నారు. ఈ క్రమంలో ఓ పోలీసు అధికారి అనారోగ్యంతో ఉన్న ఒక మహిళను ఇలా మోసుకుని తరలిస్తున్నారు.

 

ఉంఫాన్ ఉగ్రరూపం

ఉంఫాన్ తుపాను తీవ్ర ప్రభావాన్ని చూపించే అవకాశం ఉంది. ఈశాన్య భారతావని, బెంగాల్ పై ఈ తుపాను ప్రభావం ఎక్కువగా ఉంటుంది. పెద్ద ఎత్తున ఆస్తి, ప్రాణ నష్టం జరిగే అవకాశం ఉంది. ఆక్యూవెదర్  చెబుతున్న దాని ప్రకారం ఈ సాయంత్రానికి ఈ తుపాను ఈశాన్య భారతం-బంగ్లాదేశ్ ల మధ్య తీరాన్ని దాటే అవకాశం ఉంది.