Top
logo

Coronavirus: ప్రపంచంలో ఎక్కువగా వారు చనిపోతుంటే.. భారత్, పాక్ లో మాత్రం..

Coronavirus: ప్రపంచంలో ఎక్కువగా వారు చనిపోతుంటే.. భారత్, పాక్ లో మాత్రం..
X
Highlights

కరోనావైరస్లు మహిళల కంటే ఎక్కువగా పురుషులే బలవుతున్నారు. ప్రపంచంలోని 35 దేశాలలో కరోనావైరస్ ఇన్ఫెక్షన్ల గణాంకాలను పరిశీలిస్తే, 33 దేశాలలో పురుషుల మరణాల రేటు మహిళల కంటే ఎక్కువగా ఉందని తెలుస్తుంది.

కరోనావైరస్లు మహిళల కంటే ఎక్కువగా పురుషులే బలవుతున్నారు. ప్రపంచంలోని 35 దేశాలలో కరోనావైరస్ ఇన్ఫెక్షన్ల గణాంకాలను పరిశీలిస్తే, 33 దేశాలలో పురుషుల మరణాల రేటు మహిళల కంటే ఎక్కువగా ఉందని తెలుస్తుంది.ఇది మాత్రమే కాదు, ఈ 33 దేశాలలో పురుషులు, స్త్రీల మరణాల నిష్పత్తిలో ఒక శాతానికి పైగా తేడా ఉంది. అంటే, కరోనా పాజిటివ్‌గా వస్తున్న పురుషులకు మహిళల కంటే ప్రాణానికి ఎక్కువ ప్రమాదం ఉందని అర్ధమవుతోంది.

అయితే, భారతదేశం , పాకిస్తాన్లలో మాత్రమే కరోనా ద్వారా పురుషుల కంటే మహిళలు ఎక్కువగా చనిపోతున్నారు. భారతదేశంలో కరోనా సోకిన మహిళల మరణాల రేటు 3.1% ఉంటే.. మగవారి మరణాల రేటు 2.6% గ ఉంది. అదేవిధంగా, పాకిస్తాన్‌లో కరోనా సోకిన మహిళల మరణాల రేటు 2.8% కాగా, పురుషుల మరణాల రేటు 2.0% గా ఉంది.

నెదర్లాండ్స్‌లోని కరోనావైరస్ కారణంగా మహిళల మరణాల కంటే.. పురుషులు రెండు రెట్లు ఎక్కువగా మరణించారు. ఇక్కడ కరోనా సోకిన పురుషుల మరణాల రేటు 18.1% కాగా, మహిళల మరణాల రేటు 8.1% ఉంది. ఇటలీలో, కరోనా సోకిన పురుషుల మరణాల రేటు 17.1% కాగా, మహిళల మరణాల రేటు 9.3%. బెల్జియంలో కరోనా సోకిన పురుషుల మరణాల రేటు 15.3% కాగా, మహిళల మరణాల రేటు 8.6%. అదేవిధంగా స్వీడన్‌లో, కరోనా సోకిన పురుషుల మరణాల రేటు 15.1% కాగా, మహిళల మరణాల రేటు 9.1% గా ఉంది.

మహిళల కంటే ఎక్కువ మంది పురుషులను చంపే ఈ ధోరణిని చైనాలోని శాస్త్రవేత్తలు మొదట గుర్తించారు. ఆ తరువాత, జర్మనీ, ఇటలీ, స్పెయిన్, దక్షిణ కొరియాతో సహా ప్రపంచంలోని అనేక దేశాలలో ఇలాంటి ధోరణి కనిపిస్తుంది. కానీ దీని వెనుక గల కారణం శాస్త్రవేత్తలకు మాత్రం ఇంకా తెలియలేదు. జీవసంబంధమైన కారణాల వల్ల ఇది జరుగుతోందని కొన్ని పరిశోధనలలో చెబుతున్నారు.

ఇదిలావుంటే మహిళలల్లో రోగనిరోధక వ్యవస్థ పురుషుల కంటే బలంగా ఉందని ఆక్స్ఫర్డ్ విశ్వవిద్యాలయంలో జనాభా , జనాభా ఆరోగ్య ప్రొఫెసర్ జెన్నిఫర్ డౌడ్ చెప్పారు. అందుకే జీవితాంతం మహిళల్లో సంక్రమణకు సంబంధించిన అనేక వ్యాధులు ఉన్నా, మరణాలు మాత్రం సంభవించలేదని అంటారు. సాధారణంగా, మహిళల శరీరం పురుషుల కంటే వేగంగా బ్యాక్టీరియా , వైరల్ వ్యాధులను తొలగిస్తుంది. టీకాలు కూడా పురుషుల కంటే మహిళల్లో బాగా పనిచేస్తాయని అంటున్నారు శాస్త్రవేత్తలు.


Web Titlewomen death toll rate is more than men in india and pakistan through coronavirus
Next Story