Australia: పార్లమెంట్ బిల్డింగ్‌కు నిప్పు పెట్టిన నిర‌స‌న‌కారులు

Australia: ఆస్ట్రేలియా పార్లమెంట్ భవనానికి నిరసనకారులు నిప్పు పెట్టారు. క్యాన్బెరాలో ఉన్న పాత పార్లమెంట్ భవన తలుపులు ఆ మంటల్లో దగ్ధం అయ్యాయి. ఓ నిరసన ప్రదర్శన సమయంలో ఈ ఘటన జరిగినట్లు తెలుస్తోంది. స్థానిక ప్రాచీన తెగలకు చెందిన జాతుల వారు తమ హక్కుల కోసం ఆందోళన చేపట్టారు. ఆ సమయంలో పార్లమెంట్ భవనానికి నిరసనకారులు నిప్పు పెట్టినట్లు భావిస్తున్నారు. ఈ ప్రమాదంలో ఎవరూ గాయపడలేదు. ఈ ఘటనను ప్రధాని స్కాట్ మారిసన్ ఖండించారు. ఆస్ట్రేలియన్లు ఇలా ప్రవర్తిస్తారని అనుకోవడం లేదన్నారు. ప్రజాస్వామ్యానికి ప్రతీకగా నిలిచే పార్లమెంట్ కు నిప్పు పెడుతారా అని ఆయన ప్రశ్నించారు.