మగతనాన్ని పెంచే నయా వయాగ్రా..ఉడుం నూనె..పాకిస్తాన్ లో ఫుల్ డిమాండ్..!

Lizard Oil: ఎక్కువసేపు శృంగారంలో పాల్గొనేందుకు పురుషులు ప్రపంచవ్యాప్తంగా వయాగ్రాను ఆశ్రయిస్తున్నారు. అయితే ఈ టాబ్లెట్ల కారణంగా ఆరోగ్య సమస్యలు తలెత్తుతున్నాయని పరిశోధనల్లో తేలడంతో పలు దేశాలు వయాగ్రా పై బ్యాన్ విధించాయి. మన పొరుగు దేశం పాకిస్తాన్ కూడా వయాగ్రా వాడాకాన్ని నిషేధించింది. అయితే వయాగ్రా అందుబాటులో లేకపోవడంతో పాకిస్తానీ యువత ప్రత్యామ్నాయ మార్గాల వెంటపడింది. లైంగిక సామర్థ్యం పెరిగేందుకు ఉడుము నూనె ఉపయోగపడుతుందని ప్రచారం జరగడంతో యువకులు ఉడుము ఆయిల్ కోసం తహతహలాడిపోతున్నారు. ఉడుము నూనె ఎక్కడ దొరుకుతుందో వాకబు చేసి అక్కడకు బారులు తీరుతున్నారు.

ఉడుము కొవ్వుతో తయారు చేసిన నూనెను మర్మాంగానికి లేపనంగా రాస్తే శృంగార కోరికలతో పాటు, పడకగదితో సామర్థ్యాన్ని పెంపొందించుకోవచ్చని బలమైన ప్రచారం ఉంది. దీంతో పాకిస్తాన్ నలుమూలల నుంచి యువకులు రావల్పిండిలోని రాజా బజార్ కు క్యూ కడుతున్నారు. ఎంత డబ్బైనా వెచ్చించి కొనుగోలు చేసేందుకు పోటీపడుతున్నారు. కొన్ని సందర్భాల్లో అయితే ఘర్షణలు కూడా జరుగుతున్నాయి.

పాకిస్తాన్ లోని పంజాబ్, సింథ్ రాష్ట్రాల్లో చాలా మంది ఉడుముల వేటపైనే ఆధారపడి జీవనం సాగిస్తున్నారు. గతంలో ఈ ఆయిల్ విక్రయం అంతగా ఉండేది కాదు, కానీ వయాగ్రాకు సప్లిమెంట్ గా ప్రచారం జరగడంతో ఉడుము నూనెకు ఎక్కడ లేని డిమాండ్ వచ్చేసింది. దీంతో లాహోర్ వీధుల్లో, చౌరస్తాల్లో తోపుడు బండ్ల పై ఉడుము నూనెను తెగ అమ్మేస్తున్నారు. అంతేకాదు, పాకిస్తాన్ నుంచి ఉడుము నూనెను ఆరేబియా, ఇతర దేశాలకు కూడా ఎగుమతి చేసేస్తున్నారు. ఉడుము నూనెకు డిమాండ్ పెరగడంతో ఎక్కడ ఉడుము కనిపించినా దాని నడుము విరగొట్టి అంగడిలో సరుకుగా అమ్మేస్తున్నారు.

పాకిస్తాన్ లో ఉడుము నూనెకు డిమాండ్ పెరగడానికి యువకుల్లో ఉన్న అంగస్తంభన సమస్యే ప్రధానం కాదు. ఆ దేశంలో ఎక్కువమంది పిల్లల్ని కంటేనే వారికి సమాజంలో గౌరవం లభిస్తుంది. దీంతో లైంగిక సామర్థ్యాన్ని పెంచుకునేందుకు నిన్నమొన్నటి వరకు వయాగ్రా పై ఆధారపడిన అక్కడి జనం ఇప్పుడు ప్రత్యామ్నాయంగా ఉడుమునూనె పై పడ్డారు.