ఇరాక్ షాపింగ్ మాల్లో భారీ అగ్నిప్రమాదం: 50 మంది మృతి, పలువురికి గాయాలు
ఇరాక్లోని అల్-కుట్ నగరంలోని షాపింగ్ మాల్లో జరిగిన దారుణ అగ్నిప్రమాదంలో 50 మంది మృతి చెందారు. మృతుల సంఖ్య ఇంకా పెరిగే అవకాశం ఉంది. అధికారులు ఘటనపై దర్యాప్తు ప్రారంభించారు.
Massive Fire at Iraq Shopping Mall: 50 Dead, Several Injured
ఇంటర్నెట్ డెస్క్ | Shopping Mall Fire, Iraq News:
ఇరాక్ మరోసారి విషాద ఘటనతో వార్తల్లోకెక్కింది. అల్-కుట్ (Al-Kut) నగరంలో ఉన్న ఓ ప్రముఖ షాపింగ్ మాల్లో భారీ అగ్నిప్రమాదం (Massive Fire Accident) చోటు చేసుకుంది. ఈ ప్రమాదంలో ఇప్పటివరకు 50 మంది ప్రాణాలు కోల్పోయారు, మరికొంత మంది తీవ్రంగా గాయపడ్డారు. మృతుల సంఖ్య ఇంకా పెరిగే అవకాశం ఉంది.
వసిత్ ప్రావిన్స్ గవర్నర్ మహ్మద్ అల్ మియాహి (Governor Mohammed Al-Miyahi) తెలిపిన వివరాల ప్రకారం, ఐదు అంతస్తుల భవనంలో మంటలు విపరీతంగా చెలరేగాయి. షాపింగ్ సెంటర్లో కొద్ది సేపటిలోనే పొగలు వెదజల్లడంతో అక్కడ ఉన్న వారు బయటకు పరుగులు తీశారు. అయితే చాలా మంది బయటపడలేకపోయినట్లు సమాచారం.
ఈ అగ్నిప్రమాదానికి గల కారణాలు ఇంకా తెలియరాలేదు, కానీ ప్రాథమిక దర్యాప్తు నివేదికను 48 గంటల్లో విడుదల చేస్తామని అధికారులు పేర్కొన్నారు. మాల్ యజమానిపై కేసులు నమోదు చేసినట్లు అధికారిక ఇరాక్ వార్తా సంస్థ INA (Iraqi News Agency) వెల్లడించింది.
సోషల్ మీడియాలో వైరల్ అవుతున్న వీడియోల ప్రకారం, భవనం నుంచి మంటలు ఎగసిపడుతున్నాయి. అగ్నిమాపక సిబ్బంది పూర్తిస్థాయిలో చర్యలు తీసుకుంటున్నారు. ఈ ఘటనపై స్థానిక ప్రజలు తీవ్ర ఆందోళన వ్యక్తం చేస్తున్నారు.