Hamburg: దారుణం.. రైల్వేస్టేషన్లో కత్తితో దాడి..18మందికి తీవ్ర గాయాలు

Hamburg: జర్మనీలోని హోమ్ బర్గ్ లో దారుణం జరిగింది. సెంట్రల్ రైల్వే స్టేషన్ లో ఫ్లాట్ ఫాంపై నిల్చున్న వారిపై ఓ దుండగుడు విచక్షణారహితంగా కత్తితో దాడికి పాల్పడ్డాడు. ఈ ఘటనలో 18 మందికి గాయాలయ్యాయి. వారిలో ముగ్గురి పరిస్థితి విషమంగా ఉంది. మరికొంత మందికి స్వల్పంగా గాయాలు అయినట్లు స్థానిక మీడియా తెలిపింది. అనుమానితుడిని అరెస్ట్ చేసినట్లు పోలీసులు ధ్రువీకరించారు. అక్కడి కాలమానం ప్రకారం శుక్రవారం సాయంత్రం 5గంటలకు ఈ ఘటన జరిగింది.

దాడికి గల కారణం ఏంటన్నది ఇప్పటి వరకు తెలియరాలేదు. రైల్వే స్టేషన్ లో ఆకస్మాత్తుగా చొరబడిన వ్యక్తి పలువురిని గాయపరిచినట్లు మీడియా పేర్కొంది. మొదట 8 మందికి గాయాలైనట్లు పేర్కొన్నాయి. ఆ తర్వాత బాధితుల సంఖ్య 18కిచేరినట్లు తెలుస్తోంది. ఈ ఘటనపై పోలీసులు దర్యాప్తు ప్రారంభించారు. ఒక్కరే ఈ దాడిలో పాల్గొన్నట్లు సమాచారం.