తూర్పు ఆఫ్రికాలో భారీ వర్షాలు... టాంజానియాలో వరదలతో 155 మంది మృతి

తూర్పు ఆఫ్రికాలోని టాంజానియాను భారీ వరదలు ముంచెత్తాయి. ఎల్‌నినో ప్రభావంతో కురిసిన భారీ వర్షాలతో జనజీవనం అస్తవ్యస్థమైంది. భారీ వరదల కారణంగా 155 మంది మృతి చెందారు. ఓ వైపు భారీ వరదలు మరో వైపు కొండచరియలు విరిగిపడడంతో 226 మంది గాయాలపాలయ్యారు. భారీ వరదలతో టాంజానియాలోని రోడ్లు, వంతెనలు పూర్తిగా దెబ్బతిన్నాయి. భారీ వర్షాల కారణంగా 2 లక్షలకు పైగా మంది ప్రజలు నిరాశ్రయులయ్యారు. నివాసాలు పూర్తిగా దెబ్బతినడంతో అక్కడి ప్రజలు దిక్కుతోచని స్థితిలో ఉన్నారు. మరికొందరు వరదల్లోనే చిక్కుకుని సాయం కోసం ఎదురుచూస్తున్నారు.