పెళ్లికి ఏకే 47 గిఫ్ట్‌గా ఇచ్చిన మహిళ

సాధారణంగా పెళ్లికి వెళ్తే ఎలాంటి గిఫ్ట్ తీసుకెళ్తారు.. ఏ గోడ గడియారమో, మరీ డబ్బులు ఎక్కువ పెట్టాలి అనుకుంటే జ్యువలరీనో ఇస్తారు. వెరైటీ బహుమతులు కూడా కొందరు ఇస్తారనుకోండి! అలాంటిది ఓ గన్ గిఫ్ట్‌గా ఇస్తే ! అదేంటి అనుకుంటున్నారా అదే జరిగింది మరి ! ఈ వీడియో ఇప్పుడు సోషల్ మీడియాలో తెగ వైరల్ అవుతోంది. పెళ్లిలో ఓ మహిళ వరుడికి ఏకే 47 రైఫిల్‌ని బహుమతిగా ఇచ్చింది. ఇదే ఆశ్చర్యం అంటే ఆ గిఫ్ట్ ఇచ్చినప్పుడు అక్కడున్న వాళ్ల క్లాప్స్ కొట్టడం మరీ వింతగా అనిపించింది. పాకిస్తాన్‌లో ఈ ఘటన జరిగినట్లుగా తెలుస్తోంది. గిఫ్ట్ తీసుకుంటే తీసుకున్నావ్ టెస్ట్ చేయాలని అనుకోకు అంటూ నెటిజన్లు సెటైర్ల మీద సెటైర్లు వేస్తున్నారు.