వచ్చే రెండు నెలల్లోనే మరింత డేంజరస్ గా ఒమిక్రాన్.. అత్యంత ప్రమాదకర పరిస్థితులు తప్పవంటున్న నిపుణులు

Omicron Variant: వచ్చే రెండు నెలల్లో డేంజర్ వేరియంట్ ఒమిక్రాన్ అత్యంత ప్రమాదకరంగా మారుతుందని యూరోపియన్ హెల్త్ కమిషనర్ వెల్లడించారు. డెల్టా వేరియంట్ కంటే వేగంగా ఒమిక్రాన్ విస్తరిస్తోందని, అమెరికాలో ప్రస్తుతం ఉన్న కోవిడ్ కేసుల్లో ఒమిక్రాన్ కేసులు 3 శాతం ఉన్నాయన్నారు. కేవలం రెండు రోజుల వ్యవధిలోనే కేసులు రెట్టింపయ్యాయని సీడీసీ డైరెక్టర్ రోచెల్ తెలిపారు. ఈ మహమ్మారి డెల్టా ప్లస్‌ వేరియంట్‌ను డామినేట్ చేసే జాతిగా పురోగమిస్తోందని హెచ్చరించారు. 2022 తొలి రెండు నెలల్లో ఒమిక్రాన్ అత్యంత ప్రబలంగా వ్యాప్తి చెందుతుందని, పండుగ సమయాల్లో ప్రపంచ వ్యాప్తంగా ఉన్న ప్రజలు అన్ని జాగ్రత్తలు తీసుకోవాలన్నారు.