Ansar Mina Village: వరకట్నం, మొబైల్ నిషేధించిన ఏకైక గ్రామం.. ఎక్కడుందో తెలిస్తే ఆశ్చర్యపోతారు

Ansar Meena village in Pakistan bans dowry, mobile phones

Ansar Mina Village: ప్రపంచంలోని చాలా ప్రదేశాలు వాటి వింత చట్టాలకు ప్రసిద్ధి చెందాయి. కానీ పాకిస్తాన్‌లోని అన్సార్ మీనా గ్రామం పూర్తిగా భిన్నంగా ఉంటుంది. పాకిస్తాన్ రాజ్యాంగం ఈ గ్రామంలో వర్తించదు. ఆ గ్రామంలోని ప్రజలు తమ గ్రామానకి సంబంధించిన స్వంత నియమాలను పాటిస్తారు.ఈ గ్రామం పాకిస్తాన్‌లోని పంజాబ్ ప్రావిన్స్‌లో ఉంది. ఇక్కడ సంప్రదాయాలు, ఆచారాలు సంవత్సరాలుగా అనుసరిస్తున్నారు. గ్రామ పరిపాలన పూర్తిగా స్థానిక నాయకుల చేతుల్లోనే ఉంది. ప్రభుత్వం నుండి ఎటువంటి జోక్యం ఉండదు. గ్రామ ప్రజలు వారి స్వంత రాజ్యాంగం ప్రకారం తమ జీవితాలను గడుపుతారు. సామాజిక, ఆర్థిక, సాంస్కృతిక సంప్రదాయాలను అనుసరిస్తారు. భద్రత, శాంతిని కాపాడటానికి ఇక్కడ కఠినమైన నియమాలు అవసరమని భావిస్తారు.

గ్రామంలో 20 పాయింట్ల రాజ్యాంగం అమలు చేసింది. ఇందులో అనేక ప్రత్యేక నియమాలు ఉన్నాయి. వరకట్నం ఇవ్వడం,తీసుకోవడంపై పూర్తి నిషేధం ఉంది. వైమానిక కాల్పులు కూడా నిషేధించారు. అత్యంత షాకింగ్ విషయం ఏమిటంటే గ్రామంలో విద్యార్థులు స్మార్ట్‌ఫోన్‌లను ఉపయోగించరు. యువత తమ చదువులు భవిష్యత్తుపై దృష్టి పెట్టాలని ఈ నియమం రూపొందించింది. వివాహాలలో ప్రదర్శన, అనవసరమైన ఖర్చులపై నిషేధం ఉంది. ఏ వివాహ వేడుకలోనూ రూ.100 కంటే ఎక్కువ బహుమతి ఇవ్వకూడదు, బియ్యం పంపిణీ కూడా నిషేధం.

వివాహ వేడుకలో అతిథులను స్వాగతించడానికి టీ, బిస్కెట్లు మాత్రమే ఇస్తారు. వృధా ఖర్చులను నివారించడానికి , సమాజంలో సమానత్వాన్ని కొనసాగించడానికి ఈ నియమం చేశారు. 14 సంవత్సరాల కంటే తక్కువ వయస్సు ఉన్న పిల్లలు గ్రామంలో సైకిళ్ళు తొక్కడం ఖచ్చితంగా నిషేధించారు. గ్రామ నియమాలను సక్రమంగా పాటించగలిగేలా బయటి వ్యక్తులు గ్రామంలోకి ప్రవేశించడంపై కూడా నిషేధం ఉంది. ఇక్కడ మాదకద్రవ్యాల వ్యాపారం పూర్తిగా నిషేధించారు. ఎవరైనా ఈ నియమాన్ని ఉల్లంఘిస్తే, వారు గ్రామ పంచాయతీ నుండి కఠినమైన శిక్షను ఎదుర్కోవలసి ఉంటుంది.ఇక్కడి ప్రజలు వారి నియమాలను సంతోషంగా పాటిస్తారు .ఇది వారి సామాజిక, ఆర్థిక స్థితిని మెరుగుపరుస్తుందని నమ్ముతారు. ఈ కఠినత్వమే గ్రామంలోక్రమశిక్షణను కాపాడుతుంది.