Japan PM: జ‌పాన్ ప్రధానిపై బాంబు దాడి.. తృటిలో తప్పిన పెను ప్రమాదం..

Japan PM: జపాన్ ప్రధాని ఫుమియో కిషిదాకు తృటిలో పెను ప్రమాదం తప్పింది. ఆయన పాల్గొన్న ఓ కార్యక్రమ వేదికకు సమీపంలో ఓ వ్యక్తి బాంబు విసిరాడు. దీంతో వెంటనే అప్రమత్తమైన అధికారులు ఆయన్ను అక్కడి నుంచి సురక్షిత ప్రాంతానికి తరలించారు. ఈ ఘటనలో అదృష్టవశాత్తు ఆయనకు ఎలాంటి హాని జరగలేదు. పశ్చిమ జపాన్ నగరమైన వాకయామాలో ప్రధాని కిషిడా ఫిషింగ్ హార్బరును పరిశీలించిన తర్వాత ప్రసంగిస్తుండగా బాంబు పేలుడు జరిగిందని జపాన్ అధికారులు చెప్పారు. బాంబు పేల్చిన వ్యక్తిని జపాన్ పోలీసులు అదుపులోకి తీసుకున్నారు.