Blue Moon: నేడు ఆకాశంలో అద్భుతం.. భూమికి దగ్గరా చంద్రుడు..!

Blue Moon: ఆకాశంలో ఇవాళ మరో అద్బుతం ఆవిష్కృతం కానుంది. అల్లాంత దూరాన ఉండే ఆ చంద్రుడు ఇవాళ భూమికి సమీపానికి రానున్నాడు. దీన్నే శాస్త్రవేత్తలు బ్లూ మూన్ అంటున్నారు. పౌర్ణమి వేళ ఈ నిండు చంద్రుడు మరింత నిండుగా.. పెద్దగా కనిపించబోతుండటంతో సర్వత్రా ఆసక్తి నెలకొంది. అయితే పౌర్ణమి రోజున చంద్రుడు ఎందుకు అంతే ప్రత్యేకంగా ఉంటాడు అనే ప్రశ్న చాలామంది మదిలో తలెత్తుతుంది. మరి దాని వెనుక ఉన్న సైన్స్ ఏమిటో ఇప్పుడు తెలుసుకుందాం.

రోజూ వచ్చే చంద్రుడిలాగా కాకుండా జాబిల్లి ఇవాళ పెద్దగా, అత్యంత కాంతివంతంగా కనిపించనుంది. భూమికి అత్యంత సమీపానికి చంద్రుడు వచ్చినపుడు పౌర్ణమి రావడంతో ఆకాశంలో ఈ అద్భుతమైన సూపర్ బ్లూ మూన్ అద్భుతం ఆవిష్కృతం కానుంది. ఈ సంవత్సరంలో మొదటి సూపర్ మూన్ ఇదే అని శాస్త్రవేత్తలు చెబుతున్నారు.

చంద్రుడు భూమి చుట్టూ తిరుగుతున్నప్పుడు కొన్నిసార్లు భూమికి దగ్గరగా వస్తుంది. మరికొన్ని సార్లు అది భూమికి దూరంగా కదులుతూ ఉంటుంది. చంద్రుడు భూమికి 90 శాతం సమీపంలో ఉన్నప్పుడు అద్భుతాలు జరుగుతుంటాయి. అలాంటి రోజునే సూపర్ మూన్ ఏర్పడుతుంది. ఎందుకంటే ఈ రోజున చంద్రుడు పూర్తిగా కనిపిస్తాడు. చంద్రుడు దగ్గరగా ఉండటం వల్ల, అది పరిమాణంలో కొంచెం పెద్దదిగా కనిపిస్తుంది. దాన్ని సూపర్ మూన్ అంటారు. సూపర్ మూన్‌లు సాధారణంగా సంవత్సరానికి 3-4 సార్లు సంభవిస్తాయి. ఈ ఆగస్టు నెలలో సూపర్ మూన్, బ్లూ మూన్ కలిసి వచ్చే అరుదైన ఖగోళ సంఘటనను చూడటానికి అంతా ఆసక్తిగా ఎదురు చూస్తున్నారు.

ఇది దశాబ్దానికి ఒకసారి మాత్రమే జరిగే అద్బుతమని శాస్త్రవేతలు చెబుతున్నారు. ఆగస్టులో వచ్చే పౌర్ణమికి ఇచ్చే సంప్రదాయ నామం స్టర్జన్ మూన్ కాబట్టి ఈ సూపర్ మూన్ బ్లూ మూన్ ను స్టర్జన్ మూన్ అని కూడా పిలుస్తారు. ఈ సంవత్సరం వరుసగా రాబోతున్న నాలుగు సూపర్ మూన్ లలో ఇది మొదటిది తర్వాతవి సెప్టెంబర్ 18న, అక్టోబర్ 17, నవంబర్ 15న రానున్నాయి.

భారత్‌లో ఇవాళ రాత్రి 8 గంటల నుంచి రేపు తెల్లవారుజామున 5గంటలా 32నిమిషాల వరకు ఈ బ్లూ మూన్ కనిపించనుంది. సూపర్ మూన్‌ను సిటీ లైట్లకు, లైట్ల కాలుష్యానికి దూరంగా... చీకటిగా ఉన్న ప్రదేశంలోనుంచి వీక్షిస్తే మంచి అనుభూతిని పొందుతామని శాస్త్రవేతలు చెబుతున్నారు. హై క్వాలిటీ కెమెరా ఉంటే ఆ దృశ్యాలని బంధించవచ్చని అంటున్నారు. అయితే, పలువురు శాస్త్రవేత్తలు మాత్రం, చంద్రుడు భూమికి దగ్గరగా వచ్చినా.. ఈరోజు మనకు సూపర్ మూన్ కనిపించదని అంటున్నారు.