Educational Excellence Awards 2023: విద్యారంగంలో ప్రతిభ చూపిన వారికి hmtv అవార్డులు

Education Excellence Awards 2023: విద్యా రంగంలో తెలుగు రాష్ట్రాలకు ప్రత్యేక స్థానం ఉంది. రెండు రాష్ట్రాలు ఆకాశమే హద్దుగా పోటీపడుతున్నాయి. ఆరోగ్యకరమైన పోటీని మరింత ఉత్సాహపరిచేందుకు hmtv సంకల్పం చెప్పుకుంది. రెండు రాష్ట్రాల్లో విద్యారంగంలో అత్యుత్తమ ప్రతిభ చూపిన దిగ్గజాలకు hmtv అవార్డులు ప్రదానం చేయనుంది. ఎడ్యుకేషన్ ఎక్స్‌లెన్స్‌ అవార్డ్స్ 2023 అవార్డుల వేడుక హైదరాబాద్‌లోని దసపల్లా హోటల్‌లో ఈరోజు రాత్రి ఏడు గంటలకు మొదలు కానుంది.

విశ్వసనీయతకు, వేగానికి మారుపేరుగా వార్తాకథనాలు ప్రసారం చేస్తున్న hmtv .... లక్షలాది మంది ప్రజల మన్ననలు పొందుతోంది. తెలుగు ప్రజల మదిలో సుస్థిర స్థానం ఏర్పరుచుకుంది. తన ప్రయాణంలో ఎన్నో మైలురాళ్లను దాటుకుంటూ దూసుకెళుతోన్న hmtv... విద్యారంగంలో సేవలు అందించిన వారికీ పెద్దపీట వేయాలని నిర్ణయించింది. అందులో భాగంగా... ఆ గొంతుకను వినిపించి... వారి ఉన్నతికి దోహదపడాలని సంకల్పించింది. ఈ కార్యక్రమానికి ముఖ్య అతిథులుగా రాష్ట్ర పంచాయతీరాజ్, గ్రామీణాభివృద్ధి శాఖల మంత్రి ఎర్రబెల్లి దయాకర్ రావు, విద్యాశాఖ మంత్రి సబితా ఇంద్రారెడ్డి హాజరవుతున్నారు.