పెళ్ళైన గంటకే కటకటాల పాలైన కొత్తజంట...

పాపం వివాహం అయిన గంటలోపే ఓ జంట కటకటాల పాలైంది. ఈ ఘటన అమెరికాలో చోటు చేసుకుంది. ఇక వివరాల్లోకి వెళ్తే స్థానికంగా నివాసముండే యాష్లే జోర్డాన్(30) అనే యువతికి ఎరిక్ కార్డోవా(31) అనే యువకుడితో శనివారం ఉదయం ప్రెస్కోట్‌‌లో ఘనంగా పెళ్లైంది. ఆ తర్వాత ఇంటి నుంచి బయటకు వెళ్లిన వధువు స్థానికంగా అక్కడ ఉండే ఓ చిన్న వ్యాపారితో గొడవ పడింది. ఆ గొడవలో భాగంగా ఆ యువతీ అతనిపై చేయి జేసుకుంది. అతడు పోలీసులకు సమాచారం ఇవ్వడంతో పోలీసులు సంఘటన స్థలానికి చేరుకున్నారు. అక్కడికి చేరుకున్న పోలీసులపై వరుడు ఎరిక్ దురుసుగా ప్రవర్తించాడు..దీనితో పోలీసులు చేసేది ఏమిలేకా ఇద్దరినీ అదుపులోకి తీసుకొని అరెస్ట్ చేసారు.