చైత‌న్య నాలుగో ప్ర‌య‌త్నం వ‌ర్క‌వుట్ అవుతుందా?

యువ‌కథానాయ‌కుడు నాగ‌చైతన్య కెరీర్‌లో మంచి హిట్ చిత్రాలున్నాయి. అలాగే ఘోర‌మైన ప‌రాజ‌యాలున్నాయి. అయితే.. ఫ్లాప్ అయిన సినిమాల‌లో కొత్త ద‌ర్శ‌కులు టేకాఫ్ చేసినవే ఎక్కువ‌. వాసువ‌ర్మ ద‌ర్శ‌కత్వంలో చేసిన 'జోష్‌', అజ‌య్ భుయాన్ డైరెక్ష‌న్‌లో చేసిన 'ద‌డ‌', వివేక్ కృష్ణ ద‌ర్శ‌క‌త్వం వ‌హించిన 'బెజ‌వాడ' చిత్రాలు నాగ‌చైత‌న్య కెరీర్‌లో మ‌ర‌క‌లుగా మిగిలాయి.

'బెజ‌వాడ' త‌రువాత ఎంతో కొంత అనుభ‌వం ఉన్న ద‌ర్శ‌కుల‌తోనే సినిమాలు చేస్తున్న నాగ‌చైత‌న్య మ‌రోసారి ఓ కొత్త ద‌ర్శ‌కుడితో ప‌నిచేశాడు. ఆ డైరెక్ట‌ర్ పేరు కృష్ణ మారిముత్తు. చైత‌న్య‌, కృష్ణ కాంబినేష‌న్‌లో వ‌చ్చిన ఆ చిత్ర‌మే 'యుద్ధం శ‌ర‌ణం'. ఈ సినిమా సెప్టెంబ‌ర్ 8న విడుద‌ల కానుంది. కొత్త ద‌ర్శ‌కుల విష‌యంలో ఇప్ప‌టికే మూడు సార్లు దెబ్బ‌తిన్న చైత‌న్య‌కి.. నాలుగో ప్ర‌య‌త్నం అయినా క‌లిసొస్తుందో లేదో మ‌రి.