అఖిల్ 'హలో' శాటిలైట్స్ రైట్స్ ఎంతో తెలుసా..?

అక్కినేని వారబ్బాయి అఖిల్ రెండవ సినిమాగా 'హలో' ప్రేక్షకుల ముందుకు రావడానికి రెడీ అవుతోంది. ఈ నెల 22వ తేదీన ఈ సినిమాను భారీస్థాయిలో రిలీజ్ చేయడానికి సన్నాహాలు చేస్తున్నారు. ఇప్పటికే ఈ సినిమా పోస్టర్స్ .. టీజర్ .. ఆడియో అభిమానుల్లో అంతకంతకూ ఆసక్తిని పెంచుతూ వెళ్లాయి. దాంతో ఈ సినిమా శాటిలైట్ రైట్స్ కి గట్టిపోటీ ఏర్పడింది. చివరికి జీ తెలుగు ఛానల్ వారు ఈ సినిమా శాటిలైట్ రైట్స్ ను సొంతం చేసుకున్నారు.

ఇందుకోసం వాళ్లు 5 కోట్ల 90 లక్షలను చెల్లించినట్టు సమాచారం. మొదటి సినిమా ప్లాప్ అయినా .. రెండవ సినిమాకి ఈ స్థాయి రేటు పలకవడం విశేషం. గతంలో 'అఖిల్' సినిమా శాటిలైట్స్ రైట్స్ ను సొంతం చేసుకున్నది కూడా ఈ ఛానల్ వారే. ఈ సినిమా థియేట్రికల్ బిజినెస్ 29 కోట్ల వరకూ జరిగినట్టుగా సమాచారం. బ్రేక్ ఈవెన్ లోకి రావాలంటే ఖర్చులన్నీ కలుపుకుని 33 కోట్లు రావాలి. తెలుగు రాష్ట్రాల్లోనే ఇంత మొత్తం సాధించడం కష్టం కనుక, ఓవర్సీస్ పై దృష్టి సారించినట్టు తెలుస్తుంది..