UPIలో సరికొత్త రివల్యూషన్.. ఇకపై పిన్ అవసరం లేదు! ఫేస్ ఐడీ, బయోమెట్రిక్‌తో క్షణాల్లో పేమెంట్లు

యూపీఐ వినియోగదారులకు గుడ్‌న్యూస్! గూగుల్ పే, ఫోన్ పే, పేటీఎం వంటి యాప్‌లను ఉపయోగించే వారికి ఇకపై పిన్ ఎంటర్ చేయాల్సిన అవసరం లేకుండా, క్షణాల్లో ట్రాన్సాక్షన్లు పూర్తయ్యేలా ఏర్పాట్లు జరుగుతున్నాయి. నేషనల్ పేమెంట్స్ కార్పొరేషన్ ఆఫ్ ఇండియా (NPCI) యూపీఐ ట్రాన్సాక్షన్లను మరింత సురక్షితంగా, వేగవంతంగా నిర్వహించేందుకు బయోమెట్రిక్ టెక్నాలజీని తీసుకురానుంది.

ఇప్పటివరకు యూపీఐ పేమెంట్లకు మాన్యువల్ పిన్ తప్పనిసరి. కానీ కొన్నిసార్లు పిన్ మర్చిపోవడం, తప్పుగా ఎంటర్ చేయడం వల్ల వినియోగదారులు ఇబ్బందులు ఎదుర్కొంటున్నారు. అందుకే NPCI ఫేస్ ఐడీ లేదా ఫింగర్‌ప్రింట్ ఆధారిత పేమెంట్ విధానాన్ని తీసుకురావాలని పరిశీలిస్తోంది.

ఈ కొత్త విధానం అమలులోకి వస్తే, యూజర్లు తమ బయోమెట్రిక్ గుర్తింపుతోనే ట్రాన్సాక్షన్లు చేయగలుగుతారు. ఫేస్ ఐడీ లేదా ఫింగర్ ప్రింట్‌తో మైన్‌డ్ బ్లోయింగ్‌గా పేమెంట్లు పూర్తవుతాయి. పిన్ ఎంటర్ చేయడం ఒక్కటే కాదు, ఇది తప్పనిసరి కాకుండా ఒక ఎంపికగా ఉంచనున్నారు.

NPCI ఈ విషయంపై అధికారికంగా స్పందించకపోయినా, వారు దీన్ని ఖండించలేదు కూడా. క్యాష్ ఫ్రీ పేమెంట్స్ సీఈఓ ఆకాష్ సిన్హా మాట్లాడుతూ — "ఇది భారత డిజిటల్ పేమెంట్ రంగంలో గేమ్‌చేంజింగ్ మార్పు అవుతుంది. బయోమెట్రిక్ పేమెంట్స్ మోసాలను తగ్గిస్తాయి. పిన్ నంబర్ లీక్ అవుతుండగా, బయోమెట్రిక్స్ దొంగలించడం చాలా కష్టం" అని అన్నారు.

ఎలా పని చేస్తుంది?

బయోమెట్రిక్ యూపీఐ పేమెంట్లకు ఫేస్ ఐడీ, ఫింగర్ ప్రింట్, ఐరిస్ స్కాన్ వంటివి ఉపయోగపడతాయి. ఈ విధానం సైబర్ మోసాల నుంచి రక్షణ కల్పించడమే కాకుండా, వేగవంతమైన ట్రాన్సాక్షన్ అనుభవాన్ని అందించనుంది. ప్రత్యేకంగా పిన్ గుర్తుపెట్టుకోవాల్సిన అవసరం లేకుండా, మరింత సులభంగా పేమెంట్లు చేయొచ్చు.

ఈ విధానం త్వరలో అధికారికంగా ప్రారంభమయ్యే అవకాశాలు కనిపిస్తున్నాయి. అంటే ఇకపై పే చేయాలంటే పిన్ అవసరం లేదు.. ముఖం చూపినా చాలు!