మినిమమ్ బ్యాలెన్స్ తగ్గించిన ఎస్బీఐ

స్టేట్ బ్యాంక్ ఆఫ్ ఇండియా ఖాతాదారులకు శుభవార్త చెప్పింది. తమ ఖాతాల్లో కస్టమర్లు ఉంచాల్సిన మినిమమ్ బ్యాలెన్స్ ను తగ్గించింది. ఇంతకు ముందు పట్టణ ప్రాంతాల్లోని స్టేట్ బ్యాంక్ కస్టమర్లు తమ ఖాతాలో కనీసం 5 వేలు ఉంచాల్సి వచ్చేది. ఇప్పుడు దానిని మూడు వేలుగా మార్చారు. ఇక సెమీ అర్బన్ ప్రాంతాల్లో కనీసం 2 వేలు ఉంచాల్సి ఉంటుంది. అదేవిధంగా గ్రామీణ ప్రాంతాల్లో వారికి వేయి రూపాయలు నిల్వ వుంచడం తప్పనిసరి. ఈ నిబంధనలు అక్టోబర్ 1 నుంచి అమలులోకి వస్తాయని ఎస్బీఐ తెలిపింది.

జరిమానాలు..

ఒకవేళ మినిమమ్ బ్యాలెన్స్ ఉంచడంలో ఖాతాదారుడు ఫెయిల్ అయితే, జరిమానాలు తప్పవు.

- పట్టణ ప్రాంతాల్లో కనీస నిల్వ 1500 మాత్రమే ఉంటే 10 రూపాయలు.. 750 కి తగ్గిపోతే, 12.75రూపాయలు పెనాల్టీ కట్టాల్సి ఉంటుంది.

- ఇక సేవింగ్స్ ఖాతాలో 3 సార్లు మాత్రమె డిపాజిట్ చేసే వీలుంటుంది. ఇది దాటితే అదనపు పెనాల్టీ ఉంటుంది. తరువాత 100 రూపాయలు జమ చేసినా 50 రూపాయలు చార్జీలు వడ్డిస్తారు. దీనికి జిఎస్టి అదనం.

- నాన్ హోమ్ బ్రాంచీ ద్వారా గరిష్టంగా 2 లక్షలు మాత్రమే జమచేసే వీలుంటుంది.

- నెలకు పాతికవేల రూపాయల్ బ్యాలెన్స్ ఉంచే వ్యక్తులు రెండు సార్లు నగదు డ్రా చేసుకోవచ్చు.

- 25,000 నుంచి 50,000 మధ్య బ్యాలెన్స్ మెయింటెయిన్ చేసేవారికి 10 విత్ డ్రా చేసుకునే వీలుంటుంది.

- ఇక ఏటీఎంల ద్వారా నెలకు 10 సార్లు మెట్రో నగరాల్లోనూ, 12 సార్లు నాన్ మెట్రో నగరాల్లోనూ విత్ డ్రా చేసుకోవచ్చు.

- ఒకవేళ ఏ కారనంతోనైనా చెక్ బౌన్స్ అయితే 168 రూపాయలు జరిమానా విధిస్తారు.