పెట్రోల్ డీజిల్ ధరలు మళ్లీ పెరిగాయి

అంతర్జాతీయంగా క్రూడాయిలు ధరలు తగ్గుతున్నా, దేశీయంగా పెట్రోల్, డీజిల్ ధరలు కొద్ది కొద్దిగా పెరుగుతూనే ఉన్నాయి. శుక్రవారం కంటే శనివారం పెట్రోల్ ధర 9 పైసలూ, డీజిల్ 10 పైసల మేర పెరిగాయి. హైదరాబాద్ లో పెట్రోల్ ధర 76.51 రూపాయలకు చేరింది. ఇక డీజిల్ 71.26 రూపాయలకు చేరుకుంది. అదేవిధంగా అమరావతిలోనూ 9 పైసల పెరుగుదల చోటుచేసుకుంది. దీంతో శనివారం పెట్రోల్ ధర 76.25 రూపాయలు, డీజిల్ ధరలోనూ 9 పైసల పెరుగుదలతో 70.66 రూపాయలకు చేరుకున్నాయి. ఇక విజయవాడలో పెట్రోల్ ధర 8 పైసలు పెరుగుదలతో రూ.75.88కు చేరింది. డీజిల్ ధర కూడా 9 పైసలు పెరుగుదలతో రూ.65.37కు పెరిగింది.

దేశవ్యాప్తంగా అన్ని ప్రధాన పట్టణాల్లోనూ పెట్రోల్ ధర 7పైసలూ, డీజిల్ 9 పైసల మేర పెరిగాయి. దీంతో ముంబయిలో పెట్రోల్ ధర 77.65రూపాయలు, డీజిల్ 68.56రూపాయలు గానూ, ఢిల్లీలో పెట్రోల్ ధర 71.97రూపాయలుగానూ, డీజిల్ ధర 65.37రూపాయలుగానూ ఉంది.

ఇక అంతర్జాతీయంగా క్రూడాయిలు ధరలు శుక్రవారంతో పోల్చుకుంటే శనివారం తాగ్గాయి. బ్రెంట్ క్రూడ్ ఆయిలు ధర 60.22 డాలర్లు (0.26 శాతం తగ్గుదల) గానూ, డబ్ల్యూటీఐ క్రూడాయిల్ ధర బ్యారెల్‌కు 54.85 డాలర్లు (0.44 శాతం తగ్గుదల) గానూ ఉన్నాయి.