Honda: హోండా ఎలివేట్.. జపాన్ లో దుమ్ములేపిన భారతీయ కారు

Honda: భారతదేశంలో తయారైన హోండా ఎలివేట్ కారు జపాన్‌లో తన సత్తా చాటింది. ఇటీవల జపాన్ NCAP నిర్వహించిన క్రాష్ టెస్ట్‌లో ఈ SUV అద్భుతమైన ఫలితాలు సాధించింది. ఈ కారు దృఢత్వాన్ని పరీక్షించిన తర్వాత, దీనికి ఏకంగా 5-స్టార్ సేఫ్టీ రేటింగ్ లభించింది. జపాన్‌లో ఈ కారును కంపెనీ WR-V పేరుతో విక్రయిస్తోంది. ఈ కారు ఎన్ని పాయింట్లు సాధించిందో తెలుసుకుందాం!

క్రాష్ టెస్టింగ్ తర్వాత ప్రతి కారుకు నిర్దిష్టంగా నంబర్లు ఇస్తారు. ఈ SUV 193.8 పాయింట్లకు గాను 176.23 పాయింట్లు స్కోర్ చేసింది. డ్రైవర్-రియర్ సీట్, ఆఫ్సెట్ ఫ్రంటల్ కొలిషన్, సైడ్ ఇంపాక్ట్ పరీక్షల్లో ఈ SUV 5కి 5 నంబర్లు సాధించింది. హోండా ఎలివేట్‌కు A ర్యాంక్ లభించింది. ఎందుకంటే ఈ కారు ప్రివెంటివ్ సేఫ్టీ విషయంలో 85.8కి 82.2 పాయింట్లు స్కోర్ చేసింది.

కొలిషన్ సేఫ్టీ విషయంలో ఈ కారు 100కి 86.01 పాయింట్లు సాధించింది. నెక్ ప్రొటెక్షన్ (డ్రైవర్, ప్యాసింజర్ సీట్) విషయంలో ఈ SUV 5కి 4 స్కోర్ చేసింది. JNCAP ఈ కారును 10kmph, 20kmph, 45kmph వంటి వివిధ వేగాల్లో పరీక్షించింది.

హ్యుందాయ్ క్రెటా, కియా సెల్టోస్, టయోటా హైరైడర్ వంటి కార్లకు పోటీగా హోండా కంపెనీ ఈ SUVని 2023లో విడుదల చేసింది. ప్రీమియం డిజైన్‌తో పాటు ఈ కారులో ఎలక్ట్రిక్ సన్‌రూఫ్, 10.25-ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్, హోండా ADAS సేఫ్టీ ఫీచర్లు వంటి అనేక అద్భుతమైన ఫీచర్లు ఉన్నాయి.

భారతీయ మార్కెట్‌లో ఈ SUV బేస్ వేరియంట్ ధర రూ.11.91లక్షల(ఎక్స్-షోరూమ్) నుండి ప్రారంభమవుతుంది. అయితే, ఈ కారు టాప్ మోడల్‌ను కొనుగోలు చేస్తే రూ.21.24 లక్షలు (ఎక్స్-షోరూమ్) ఖర్చు చేయాల్సి ఉంటుంది. ప్రస్తుతం ఈ కారు కేవలం పెట్రోల్ వేరియంట్‌లో మాత్రమే 10 రంగుల ఎంపికలలో అందుబాటులో ఉంది.