Activa 125 H-Smart: యాక్టివా సరికొత్త మోడల్‌ అదిరిపోయింది.. ధర, ఫీచర్ల గురించి తెలిస్తే ఆశ్చర్యపోతారు..!

Activa 125 H-Smart: ప్రముఖ ద్విచక్ర వాహనాల తయారీ సంస్థ హోండా మోటార్‌సైకిల్ అండ్ స్కూటర్ ఇండియా కొత్త మోడల్ యాక్టివా ధరను వెల్లడించింది. ఇటీవల కంపెనీ యాక్టివా 125 హెచ్-స్మార్ట్ టీజర్‌ను విడుదల చేసిన సంగతి తెలిసిందే. అధికారిక వెబ్‌సైట్‌లో దీని ధరను జాబితా చేసింది. హోండా యాక్టివా 125 హెచ్-స్మార్ట్ ఎక్స్-షోరూమ్ ధర రూ.88,093గా నిర్ణయించారు. ఈ జపనీస్ ద్విచక్ర వాహన కంపెనీ ఈ ఏడాది ప్రారంభంలో Activa 6G H-Smartని విడుదల చేసింది. ఇప్పుడు కంపెనీ యాక్టివా 125ని స్మార్ట్ కీ ఫీచర్‌తో పరిచయం చేసింది. కొత్త ఫీచర్లతో కొత్త మోడల్ హోండా యాక్టివా మరింత ఆధునిక, స్మార్ట్ అనుభవాన్ని అందిస్తుంది.

Activa 125 H-Smart ఫీచర్లు

స్మార్ట్ ఫైండ్: హోండా.. యాక్టివా 125ని చాలా స్మార్ట్‌గా మార్చింది. మీరు దీనిని ఎక్కడైనా పార్క్ చేసి మర్చిపోతే గుర్తించడంలో H-స్మార్ట్ ఫీచర్ సహాయం చేస్తుంది. 10 మీటర్ల దూరంలో పార్క్ చేసిన స్కూటర్ సులువుగా తెలిసిపోతుంది. దీని కోసం మీరు ఆన్సర్ బ్యాక్ బటన్‌ను నొక్కాలి. Activa 125 నాలుగు సూచికలు బ్లింక్ అవుతాయి.

స్మార్ట్ సేఫ్: యాక్టివా 125ను సురక్షితంగా ఉంచడంలో కొత్త టెక్నాలజీ సహాయపడుతుంది. యాంటీ-థెఫ్ట్ సిస్టమ్‌తో స్కూటర్ దొంగిలించకుండా కాపాడవచ్చు. ఇమ్మొబిలైజర్ ఫంక్షన్ ఆన్ అయిన తర్వాత స్కూటర్ నుంచి 2 మీటర్ల దూరం వెళితే స్మార్ట్ కీ స్కూటర్‌ను నియంత్రిస్తుంది.

స్మార్ట్ స్టార్ట్: ఇప్పుడు స్కూటర్‌ను స్టార్ట్ చేయడానికి జేబులో నుంచి కీని తీయాల్సిన అవసరం లేదు. Activa 125కి 2 మీటర్ల దూరంలోకి వచ్చిన వెంటనే స్మార్ట్ కీ యాక్టివేట్ అవుతుంది. చేయాల్సిందల్లా నాబ్‌ని నొక్కడమే. తర్వాత LED స్మార్ట్ కీ, స్పీడోమీటర్ ఆన్ అవుతుంది. ఇగ్నిషన్ ఆన్ చేయడానికి నాబ్‌ను తిప్పి, స్టార్ట్/స్టాప్ బటన్‌తో ఇంజిన్‌ను ప్రారంభిస్తే సరిపోతుంది.

Activa 125 H-Smart స్పెసిఫికేషన్‌లు

Activa 125 H-Smart ఇంకా అధికారికంగా ప్రారంభించలేదు. ప్రస్తుతం దీని ధర వివరాలు వెల్లడయ్యాయి. కొత్త స్కూటర్‌లో 4 స్ట్రోక్ 124 సిసి ఎస్‌ఐ ఇంజన్ పవర్ అమర్చారు. ఈ స్కూటర్ ఐదు రంగులలో లభిస్తుంది - హెవీ గ్రే మెటాలిక్, పెర్ల్ నైట్ స్టార్ బ్లాక్, సెలెన్ సిల్వర్ మెటాలిక్, మిడ్‌నైట్ బ్లూ మెటాలిక్, రెబెల్ రెడ్ మెటాలిక్‌తో కూడిన పెరల్ ప్రెషియస్ వైట్‌లలో ఉంటుంది.