Godavari Evs: కొత్త ఎలక్ట్రిక్ స్కూటర్లు.. ఫుల్ ఛార్జింగ్‌తో 150 కిమీ మైలేజ్

Godavari Evs: గోదావరి ఎలక్ట్రిక్ మోటార్స్ భారత్‌లో రెండు ఎలక్ట్రిక్ స్కూటర్లను విడుదల చేసింది. భారత్‌లో జరుగుతున్న భారత్ మొబిలిటీ గ్లోబల్ ఎక్స్‌పో 2025లో వీటిని ప్రవేశపెట్టింది. తన eBlu బ్రాండ్‌లో రెండు ఇ-స్కూటర్‌లను విడుదల చేసింది. అవి Eblu Feo Z, Eblu Feo DX. రెండింటిలో ఒకటి ఫ్యామిలీకి అనువైన ఎలక్ట్రిక్ స్కూటర్ మోడల్.

Eblu Feo Zని రెండు వేర్వేరు వేరియంట్లలో కొనుగోలు చేయచ్చు. eBlue Fio TX అనేది కుటుంబ అవసరాలకు ఉపయోగపడే ఎలక్ట్రిక్ స్కూటర్ మోడల్ మాత్రమే కాకుండా సరికొత్త లుక్‌లో మార్కెట్లోకి వస్తుంది. ఇది 4.2 kWh బ్యాటరీ ప్యాక్‌ని ఉపయోగిస్తుంది. దీన్ని ఛార్జ్ చేయడానికి 3 గంటల 30 నిమిషాలు పడుతుంది. ఇందుకోసం 1.2 కిలోవాట్ల ఛార్జర్‌ను అందించనున్నట్టు సమాచారం.

ఇది ఫుల్ ఛార్జింగ్‌తో 150 కి.మీ వరకు ప్రయాణించగలదు. ఎలక్ట్రిక్ మోటారుకు సరిపోయేలా 5 kW మోటార్ అందించారు. దీని గరిష్ట వేగం గంటకు 80 కి.మీ. ఇది కాకుండా స్కూటర్ ముందు భాగంలో 7 అంగుళాల TFT స్క్రీన్ డిస్‌ప్లే కూడా ఉంది. ప్రీమియం ఫీచర్లుగా మూడు విభిన్న రైడింగ్ మోడ్‌లతో వస్తుంది. eBlue Fio TX మోడల్ లాగానే, E-Blue Fio Z మోడల్ కూడా ఎక్కువ ప్రీమియం ఫీచర్లతో కూడిన ఎలక్ట్రిక్ స్కూటర్ మోడల్.

ఫుల్ ఛార్జింగ్‌తో 80 కిలోమీటర్ల దూరం ప్రయాణించవచ్చు. దీని కోసం 48V/ 30Ah బ్యాటరీ ప్యాక్ అందించారు. ఇది రిమూవ‌బుల్ లిథియం మెగ్నీషియం అయాన్ ఫాస్ఫేట్ బ్యాటరీ ప్యాక్. దీని ధర రూ. 70,000. ఫియో డిఎక్స్ మోడల్ ధర రూ. 1 లక్షగా ఉంది. ఇవి ఎక్స్-షోరూమ్ ధరలు మాత్రమే. రోడ్ టాక్స్. రిజిస్ట్రేషన్ సహా అన్ని కలుపుకుని ఆన్ రోడ్ వచ్చేసరికి ఆ ధర ఇంకొంచెం ఎక్కువగానే ఉంటుందనే విషయం తెలిసిందే.