Car Warning Light: కార్‌లో ఈ సిగ్నల్స్ గురించి తెలుసా? లేదంటే, ప్రమాదంలో పడ్డట్లే.. అవేంటంటే?

Car Warning Light meanings: కారు డాష్‌బోర్డ్‌లో ఎన్నో సూచికలు ఉంటాయి. ఈ సూచికల ఉద్దేశ్యం వాహనంలో ఏదైనా సమస్యల గురించి కారు డ్రైవర్‌కు తెలియజేస్తుంటాయి. తద్వారా డ్రైవర్ అప్రమత్తంగా ఉంటాడు. దీంతో కారు ప్రమాదంలో పడకుండా ఉంటుంది. డ్యాష్ బోర్డ్‌లో చాలా LED ఇండికేటర్‌లు అందించబడినప్పటికీ, వాటిలో మెరిసే సూచిక ఒకటి ఉంది. మీరు వెంటనే వాహనం ఇంజిన్‌ను స్విచ్ ఆఫ్ చేసి, వాహనం నుంచి బయటకు వచ్చేయాలి. ఇలా చేయడం చాలా ముఖ్యం. ఇలాంటి డేంజర్ సిగ్నల్ గురించి ఇప్పుడు తెలుసుకుందాం..

ఈ సిగ్నల్ చాలా కీలకం..

ఆయిల్ ప్రెజర్ వార్నింగ్ లైట్: ఈ లైట్ కారు ఆయిల్ ప్రెజర్ సిస్టమ్‌లో సమస్యను సూచిస్తుంది. అంటే ఇంజిన్ ఆయిల్ తగ్గిపోయిందని లేదా సరిగ్గా పనిచేయడం లేదని అర్థం. ఈ లైట్ చూస్తే వెంటనే కారు ఆపండి. ఇంజిన్ ఆయిల్ స్థాయిని, ఏవైనా లీక్‌ అవుతుందా అనేది తనిఖీ చేయాలి. అవసరమైతే, కారును మెకానిక్ వద్దకు తీసుకెళ్లండి.

ఇంజిన్ వార్నింగ్ లైట్: దీనిని చెక్ ఇంజిన్ లైట్ అని కూడా అంటారు. ఈ లైట్ అనేక ఇంజిన్ సంబంధిత సమస్యలను సూచిస్తుంది. కొంత సమయం తర్వాత ఆగిపోతే ఆందోళన చెందాల్సిన పనిలేదు. కానీ, అది వెలుగుతూనే ఉంటే, అది తీవ్రమైన సమస్యకు సంకేతం కావచ్చు. వీలైనంత త్వరగా కారును మెకానిక్ వద్దకు తీసుకెళ్లండి.

బ్యాటరీ అలర్ట్ లైట్: ఈ లైట్ వాహనం ఛార్జింగ్ సిస్టమ్‌లో సమస్యను సూచిస్తుంది. ఇది వదులుగా ఉన్న బ్యాటరీ కేబుల్స్ లేదా ఇతర విద్యుత్ సమస్యల కారణంగా కాలిపోవచ్చు. కారు స్టార్ట్ కాకపోతే, బ్యాటరీ కేబుల్‌ని మార్చాలని గుర్తించండి.

ఎయిర్‌బ్యాగ్ ఇండికేటర్ లైట్: ఈ లైట్ ఎయిర్‌బ్యాగ్ సిస్టమ్‌లోని సమస్యను సూచిస్తుంది. ఇది ప్రమాదాల సమయంలో మీ భద్రతకు ముఖ్యమైనది. ఈ లైట్ కనిపిస్తే వెంటనే కారుని చెక్ చేయండి.