Shani Shukra Kendra Yog 2025: ఆగస్టు 1 నుంచి కేంద్ర యోగం ప్రభావం – ఈ మూడు రాశుల వారికి అదృష్ట ద్వారం తెరచినట్టే!

Shani Shukra Kendra Yog 2025: జ్యోతిష్య శాస్త్ర ప్రకారం, ఆగస్టు 1వ తేదీ నుంచి ప్రారంభమయ్యే కేంద్ర యోగం కొన్ని రాశులపై విశేష ప్రభావం చూపనుందని పండితులు అభిప్రాయపడుతున్నారు. శుక్రవారం సాయంత్రం 7:01 గంటలకు శుక్రుడు, శని గ్రహాలు 90 డిగ్రీల దూరంలోకి రానుండటంతో ఈ యోగం ఏర్పడనుంది. వేద జ్యోతిష్య శాస్త్రం ప్రకారం ఇది అత్యంత శుభదాయకంగా పరిగణించబడుతోంది.

గ్రహ స్థితి మార్పు కారణంగా మేషం, మిథునం, కుంభం రాశుల వారికి ఈ యోగం గొప్ప ఫలితాలను అందించనుందని జ్యోతిష్కులు పేర్కొన్నారు. ఈ యోగం ప్రభావం దాదాపు 15 నుంచి 20 రోజుల పాటు కొనసాగనుంది.

మేష రాశి వారికి ఉద్యోగ, ఆర్థిక రంగాల్లో అభివృద్ధి

మేష రాశి వారికి కెరీర్‌లో గణనీయమైన పురోగతి కనిపించనుంది. విధుల్లో అనుకున్న ఫలితాలొచ్చే అవకాశం ఉంది. ఉద్యోగుల ప్రమోషన్ అవకాశాలు మెరుగవుతాయి. విద్యార్థులు పోటీ పరీక్షల్లో విజయం సాధించే అవకాశం ఉంది. ఆదాయం పెరిగే సూచనలు కనిపిస్తున్నాయి.

మిథున రాశి వారికి ఆస్తి లాభాలు, కోర్టు వివాదాలకు పరిష్కారం

ఆగస్టు 1 నుంచి మిథున రాశి వారికి ఆకస్మిక ధనలాభం, కొత్త వాహనం లేదా ఆస్తి కొనుగోలు సూచనలు కనిపిస్తున్నాయి. పూర్వీకుల ఆస్తి సంబంధిత సమస్యలు పరిష్కారమవుతాయి. ఉద్యోగంలో గుర్తింపు, కుటుంబంలో ఆనందం, ఆరోగ్య సమస్యల నుంచి ఉపశమనం కూడా కలగనుంది.

కుంభ రాశి వారికి ప్రేమ, వివాహ యోగం – విదేశీ అవకాశాలు

కుంభ రాశి వారు ప్రేమ సంబంధాలలో సానుకూల మార్పులను ఎదుర్కొంటారు. వివాహానికి అనుకూలమైన ప్రతిపాదనలు రావొచ్చు. ఉద్యోగాల్లో గౌరవం, జీతవృద్ధి, బహుమతులు లభించే అవకాశాలున్నాయి. విదేశీ ప్రయాణాల అవకాశాలు కూడా ఉన్నాయి.

గమనిక : ఇక్కడ అందించిన జ్యోతిష్య సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.