Singur Project: సింగూర్ ప్రాజెక్టుకు జలకళ

Singur Project: తెలంగాణలో భారీ వర్షాలు కురుస్తున్నాయి. దీంతో వాగులు, వంకలు, ప్రాజెక్టులు ఉధృతంగా ప్రవహిస్తున్నాయి. ఎగువన కురిసిన వర్షాలకు సింగూరు ప్రాజెక్టు నిండుకుండలా మారడంతో నాలుగు గేట్లు ఎత్తివేశారు అధికారులు. దిగువకు 47వేల 500 క్యూసెక్కుల నీటిని విడుదల చేయడంతో మంజీరా నది ఉధృతంగా ప్రవహిస్తోంది. దీంతో మెదక్ జిల్లాలోని ఏడుపాయల వన దుర్గ మాత ఆలయం జలదిగ్భంధంలోకి వెళ్లిపోయింది. ఆలయంలోకి వెళ్లే పరిస్థితి లేకపోవడంతో ఉత్సవ విగ్రహానికి గోపురం వద్ద పూజలు నిర్వహించారు.