AP EAPCET: ఏపీఈఏపీ సెట్‌ షెడ్యూల్‌ విడుదల

AP EAPCET: ఆంధ్రప్రదేశ్‌లో ఇంజినీరింగ్‌, అగ్రికల్చర్‌, ఫార్మసీ ప్రవేశాలకు నిర్వహించే ఏపీఈఏపీసెట్‌-2022 షెడ్యూల్‌ను రాష్ట్ర ప్రభుత్వం విడుదల చేసింది. జులై 4 నుంచి 8 వరకు ఇంజినీరింగ్‌ పరీక్షలు, జులై 11, 12 తేదీల్లో అగ్రికల్చర్‌, ఫార్మసీ పరీక్ష ఉంటుందని స్పష్టం చేసింది. ఏప్రిల్‌ 11న EAP సెట్‌ నోటిఫికేషన్‌ విడుదల చేయనుండగా.. మొత్తం 136 సెంటర్లు ఏర్పాటు చేసినట్టు స్పష్టం చేశారు మంత్రి ఆదిమూలపు సురేష్‌. తెలంగాణలో 4 సెంటర్లు ఏర్పాటు చేశారు. ఇక ఆగస్టులో EAP సెట్‌ ఫలితాలు, సెప్టెంబర్‌లో కౌన్సిలింగ్‌, సెప్టెంబర్‌ రెండో వారం నుంచి తరగతులు ప్రారంభం కానున్నట్టు స్పష్టం చేశారు మంత్రి ఆదిమూలపు.