Bhupalpally: భూపాలపల్లి నూతన సీఐగా చెన్నూరి శ్రీనివాస్ నియామకం!

Bhupalpally: జయశంకర్ భూపాలపల్లి నూతన సర్కిల్ ఇన్‌స్పెక్టర్ (సీఐ)గా చెన్నూరి శ్రీనివాస్ నియమితులయ్యారు. ఇంతకుముందు ఆయన భద్రాద్రి కొత్తగూడెం జిల్లాలో ఎస్‌బీ (స్పెషల్ బ్రాంచ్) సీఐగా విధులు నిర్వహించారు.

పోలీసు శాఖలో సుదీర్ఘ అనుభవం కలిగిన చెన్నూరి శ్రీనివాస్ సమర్థవంతమైన సేవలు అందించిన అధికారిగా గుర్తింపు పొందారు. ఆయన నియామకంతో భూపాలపల్లి జిల్లాలో శాంతిభద్రతల పరిరక్షణ, నేరాల నియంత్రణ, ప్రజలకు మరింత మెరుగైన పోలీసు సేవలు అందుతాయని అధికారులు ఆశాభావం వ్యక్తం చేస్తున్నారు.

కొత్త బాధ్యతలు స్వీకరించిన చెన్నూరి శ్రీనివాస్ ప్రజలకు అందుబాటులో ఉంటూ చట్టవ్యతిరేక కార్యకలాపాలపై కఠిన చర్యలు తీసుకుంటామని, ప్రజల సహకారంతో శాంతిభద్రతల పరిరక్షణకు కృషి చేస్తామని తెలిపారు.