హోండా నుంచి కొత్త ప్రీమియం స్కూటర్.. అదిరిపోయే లుక్, పవర్‌ఫుల్ ఫీచర్లు.. ధర ఎంతంటే?

Honda Airblade India Launch: ప్రస్తుతం హోండా భారత్‌లో యాక్టివా, డియో వంటి మోడళ్లతో మధ్యతరగతి వినియోగదారులను ఆకట్టుకుంటోంది. అయితే, ఇప్పుడు మార్కెట్ ట్రెండ్ మారుతోంది. కేవలం సాధారణ ప్రయాణాలకే కాకుండా, ప్రీమియం లుక్, ఎక్కువ పవర్ ఉండే స్కూటర్లకు డిమాండ్ పెరుగుతోంది. ఈ విభాగంలో తన ఉనికిని చాటుకోవడానికి హోండా విదేశాల్లో అత్యంత ప్రజాదరణ పొందిన ‘ఎయిర్‌బ్లేడ్’ మోడల్‌ను భారత్‌కు తీసుకురావాలని నిర్ణయించింది.

పేటెంట్ దాఖలుతో ఊపందుకున్న వార్తలు..

భారతదేశంలో హోండా ఈ స్కూటర్ డిజైన్ పేటెంట్‌ను నమోదు చేయడం విశేషం. సాధారణంగా ఏదైనా మోడల్‌కు పేటెంట్ లభించిందంటే, అది త్వరలోనే రోడ్లపైకి వస్తుందని అర్థం. ఈ స్కూటర్ స్పోర్టీ డిజైన్, మ్యాక్సీ స్టైల్ బాడీ, ఆధునిక ఫీచర్లతో యువతను లక్ష్యంగా చేసుకుని రూపొందించింది. ఇది చూడటానికి యాక్టివా కంటే చాలా భిన్నంగా, మరింత దూకుడుగా కనిపిస్తుంది.

శక్తివంతమైన ఇంజిన్.. అదిరిపోయే పెర్ఫార్మెన్స్..

హోండా ఎయిర్‌బ్లేడ్ విదేశీ మార్కెట్లలో 125సీసీ, 160సీసీ ఇంజిన్ ఆప్షన్లలో అందుబాటులో ఉంది. అయితే భారత్‌లో ఏ వెర్షన్‌ను లాంచ్ చేస్తారనే దానిపై ఉత్కంఠ నెలకొంది.

లిక్విడ్ కూల్డ్ ఇంజిన్: ఈ స్కూటర్‌లో అతిపెద్ద ప్లస్ పాయింట్ దీని లిక్విడ్ కూల్డ్ ఇంజిన్. దీనివల్ల ఎక్కువ దూరం ప్రయాణించినా ఇంజిన్ వేడెక్కకుండా స్థిరమైన పనితీరును అందిస్తుంది.

పవర్ గణాంకాలు: 160సీసీ మోడల్ సుమారు 15 హెచ్‌పి పవర్, 14.8 ఎన్ఎమ్ టార్క్‌ను ఉత్పత్తి చేస్తుంది. ఇది హైవేలపై కూడా అత్యుత్తమ రైడింగ్ అనుభూతిని ఇస్తుంది.

యమహా ఏరాక్స్‌కు గట్టి పోటీ..

ప్రస్తుతం ప్రీమియం స్కూటర్ విభాగంలో యమహా ఏరాక్స్ 155కు మంచి క్రేజ్ ఉంది. హోండా ఎయిర్‌బ్లేడ్ కనుక 160సీసీ వెర్షన్‌తో వస్తే, యమహాకు ఇది గట్టి పోటీ ఇవ్వడం ఖాయం. పెద్ద బాడీ, సౌకర్యవంతమైన సీటింగ్, మెరుగైన బ్రేకింగ్ వ్యవస్థతో ఈ స్కూటర్ హైవే రైడర్లకు కూడా అనువైనదిగా మారుతుంది.

ధర..

హోండా ఈ స్కూటర్ గురించి ఇంకా అధికారికంగా ఎటువంటి ప్రకటన చేయనప్పటికీ, దీని ధర సాధారణ స్కూటర్ల కంటే కొంత ఎక్కువగా ఉండే అవకాశం ఉంది. స్మార్ట్ ఫీచర్లు, డిజిటల్ డిస్ప్లే, అదిరిపోయే కలర్ ఆప్షన్లతో రానున్న ఈ స్కూటర్, హోండా బ్రాండ్ ఇమేజ్‌ను మరో స్థాయికి తీసుకెళ్లడం ఖాయం. యాక్టివా తర్వాత హోండా నుంచి రాబోతున్న మరో హిట్ మోడల్‌గా ఇది నిలుస్తుందని నిపుణులు అంచనా వేస్తున్నారు.