Viral: అర్ధరాత్రి ఇంటి బయట ఒక్కసారిగా కుక్కల అరుపులు.. భయంతో ఏంటని టార్చ్ వేసి చూడగా..

Viral: సమాజంలో జరిగే కొన్ని విచిత్రమైన సంఘటనలు ఒక్కసారిగా సోషల్ మీడియాలో వైరల్ అవుతుంటాయి. తాజాగా గుజరాత్ రాష్ట్రంలోని ఆనంద్ జిల్లాలో ఒక కుటుంబానికి ఎదురైన అనుభవం అందరినీ షాక్‌కు గురిచేసింది. బాలాభాయ్ చౌహాన్ అనే వ్యక్తి నివాసంలో జరిగిన ఈ ఘటనకు సంబంధించి స్థానికులు తెలిపిన వివరాల ప్రకారం, అర్ధరాత్రి సమయంలో ఇళ్ల వెలుపల కుక్కలు విపరీతంగా అరుస్తుండటంతో ఆయన నిద్ర నుంచి మెలకువలోకి వచ్చారు. కారణం ఏమిటో తెలుసుకోవడానికి ఆయన లేచి బాత్రూమ్ వైపు వెళ్లగా, అక్కడ ఊహించని దృశ్యం కనిపించింది.

బాత్రూమ్ తలుపు తెరిచి చూసిన బాలాభాయ్‌కి అక్కడ ఏడుగుడుగుల పొడవు ఉన్న ఒక భారీ మొసలి కనిపించడంతో ఆయన ఒక్కసారిగా హడలిపోయారు. రాత్రి సమయంలో ఈ భారీ మొసలి అనుకోకుండా ఇంట్లోకి ప్రవేశించి బాత్రూమ్‌లో తలదాచుకున్నట్లు గుర్తించారు. ప్రాణ భయంతో వణికిపోయిన కుటుంబ సభ్యులు వెంటనే తేరుకుని అప్రమత్తమయ్యారు. క్షణం కూడా ఆలస్యం చేయకుండా అటవీ శాఖ అధికారులకు సమాచారం అందించడంతో పాటు సహాయం కోరారు.

సమాచారం అందుకున్న వెంటనే ఫారెస్ట్ గార్డులు, స్వచ్ఛంద సేవా సంస్థ సభ్యులు హుటాహుటిన సంఘటనా స్థలానికి చేరుకున్నారు. దాదాపు గంటపాటు శ్రమించి ఎంతో జాగ్రత్తగా ఆ భారీ మొసలిని బంధించి సురక్షితంగా బయటకు తీసుకువచ్చారు. అనంతరం ఆ వన్యప్రాణికి ఎలాంటి హాని తలపెట్టకుండా సమీపంలోని ఒక సురక్షితమైన తటాకంలో విడిచిపెట్టారు. వర్షాకాలం సమయంలో సమీపంలోని నీటి వనరులు పొంగిపొర్లడం వల్ల ఇలాంటి మొసలి జలచరాలు ఆహార వేటలో నివాస ప్రాంతాల వైపు వస్తుంటాయని అధికారులు స్పష్టం చేశారు. రాత్రి వేళల్లో ప్రజలు అత్యంత అప్రమత్తంగా ఉండాలని, ఎటువంటి ప్రమాదాలు జరగకుండా తగిన జాగ్రత్తలు తీసుకోవాలని హెచ్చరించారు.