Gokavaram: ప్రజా సమస్యల పరిష్కారమే ప్రథమ ప్రాధాన్యం: సత్తిబాబు!
Gokavaram: తూర్పుగోదావరి జిల్లా గోకవరం కూటమి సర్పంచ్ అభ్యర్థి గాజింగం వల్లీదేవి సత్తిబాబు ట్రాఫిక్ పరిష్కారం, సంత మార్కెట్, ఇండ్ల స్థలాల హామీతో ప్రచారం చేస్తున్నారు.
Gokavaram: ప్రజా సమస్యల పరిష్కారమే ప్రథమ ప్రాధాన్యం: సత్తిబాబు!
తూర్పుగోదావరి జిల్లా: గోకవరం గ్రామంలో సర్పంచ్ ఎన్నికల ప్రచారం ఊపందుకుంది. కూటమి బలపరిచిన సర్పంచ్ అభ్యర్థి గాజింగం వల్లీదేవి సత్తిబాబు ప్రజా మద్దతుతో విస్తృతంగా ప్రచారం నిర్వహిస్తున్నారు. గ్రామంలోని ప్రధాన సమస్యలను పరిష్కరించడంతో పాటు, మౌలిక వసతులను మెరుగుపరిచి గోకవరం గ్రామాన్ని అభివృద్ధి పథంలో ముందుకు తీసుకెళ్లడమే తన లక్ష్యమని ఆయన పేర్కొన్నారు.
గ్రామంలో చాలాకాలంగా ప్రజలను ఇబ్బందులకు గురిచేస్తున్న ట్రాఫిక్ సమస్యకు శాశ్వత పరిష్కారం చూపిస్తామని సత్తిబాబు తెలిపారు. అసంపూర్తిగా ఉన్న సంత మార్కెట్ నిర్మాణ పనులను పూర్తి చేసి వ్యాపారులు, ప్రజలకు మెరుగైన సౌకర్యాలు కల్పిస్తామని చెప్పారు. ప్రజల అవసరాలను దృష్టిలో ఉంచుకుని నూతన సులభ్ కాంప్లెక్స్ నిర్మించడంతో పాటు, ఇల్లు లేని పేదలకు ఇండ్ల స్థలాలు మంజూరయ్యేలా కృషి చేస్తానని హామీ ఇచ్చారు.
గ్రామంలోని శ్మశానవాటికను ఆధునిక సౌకర్యాలతో మోడల్ శ్మశానవాటికగా తీర్చిదిద్దుతామని తెలిపారు. యువత కోసం అధునాతన క్రీడా ప్రాంగణాలను ఏర్పాటు చేస్తామని, వృద్ధులు, మహిళలు ఆరోగ్యంగా ఉండేందుకు వాకింగ్ ట్రాక్ నిర్మిస్తామని వెల్లడించారు. గ్రామ ప్రజలకు సకాలంలో నాణ్యమైన వైద్య సేవలు అందేలా వైద్య మౌలిక వసతులను కూడా మెరుగుపరుస్తామని అన్నారు.
సర్పంచ్గా తనను గెలిపిస్తే ప్రజలకు నిరంతరం అందుబాటులో ఉంటూ, సమస్యలను ప్రాధాన్యతా క్రమంలో పరిష్కరిస్తానని సత్తిబాబు స్పష్టం చేశారు. కూటమి నాయకులు, కార్యకర్తలు, గ్రామ ప్రజల సహకారంతో గోకవరం గ్రామాన్ని ఆదర్శ గ్రామంగా తీర్చిదిద్దడమే తన ప్రధాన లక్ష్యమని పేర్కొన్నారు. రాబోయే ఎన్నికల్లో తనకు మద్దతు ఇచ్చి గెలిపించాలని ప్రజలను కోరారు.