Markapuram: మార్కాపురం కలెక్టరేట్‌కు యూనియన్ బ్యాంక్ కంప్యూటర్లు

మార్కాపురం: మార్కాపురం జిల్లా కలెక్టరేట్‌కు యూనియన్ బ్యాంక్ ఆఫ్ ఇండియా ఒంగోలు రీజనల్ ఆఫీస్ ఆధ్వర్యంలో 7 నూతన కంప్యూటర్లను శనివారం అందజేశారు. డీజీఎం వి. రవికుమార్, ఎల్‌డీఎం షాహీర్, మార్కాపురం బ్రాంచ్ మేనేజర్ ప్రతాప్‌రెడ్డి కంప్యూటర్లను జిల్లా కలెక్టర్ ఎం. విజయ సునీత, జాయింట్ కలెక్టర్ పి. శ్రీనివాసులకు అందించారు.

ఈ సందర్భంగా బ్యాంకు అధికారులను కలెక్టర్ అభినందించారు. అలాగే కలెక్టరేట్‌లో ఆర్వో ప్లాంట్ ఏర్పాటుకు యూనియన్ బ్యాంక్ ముందుకు రావడాన్ని స్వాగతిస్తూ, వచ్చే వారం దానిని ప్రారంభించనున్నట్లు తెలిపారు. కార్యక్రమంలో ఆర్డీవో వెంకట శివరామిరెడ్డి, దయాకర్ తదితరులు పాల్గొన్నారు.