Thalapathy Vijay: విజయ్ విడాకుల కేసులో బిగ్ ట్విస్ట్.. కలిసి ఉండేందుకు భార్య సంగీత గ్రీన్ సిగ్నల్..?

Vijay - Trisha: తమిళనాడు నూతన ముఖ్యమంత్రి, తమిళ జన హృదయ నేత దళపతి విజయ్ వ్యక్తిగత జీవితం గురించి గత కొంతకాలంగా ఇండస్ట్రీ వర్గాల్లో, సోషల్ మీడియాలో రకరకాల ఊహాగానాలు, సంచలన వార్తలు వినిపిస్తున్న సంగతి తెలిసిందే. విజయ్, ఆయన భార్య సంగీత విడిపోతున్నారని, విడాకుల కోసం కోర్టులో పిటిషన్ కూడా వేశారంటూ చెన్నై మీడియాలో కథనాలు షేక్ చేశాయి. అయితే, తాజాగా తమిళనాట ఒక మైండ్ బ్లోయింగ్ క్రేజీ అప్‌డేట్ జోరుగా హల్‌చల్ చేస్తోంది. విజయ్, సంగీత దంపతులు తమ మధ్య ఉన్న మనస్పర్థలను పక్కన పెట్టి మళ్లీ ఒక్కటయ్యారనే వార్త ఇప్పుడు ఇంటర్నెట్‌ను ఊపేస్తోంది.

గతంలో విజయ్ నటించిన పలు ప్రతిష్టాత్మక చిత్రాల ఆడియో లాంచ్ ఈవెంట్లకు రెగ్యులర్‌గా హాజరయ్యే సంగీత.. గత కొంతకాలంగా విజయ్ పబ్లిక్ లైఫ్‌లో ఎక్కడా కనిపించలేదు. ముఖ్యంగా విజయ్ రాజకీయాల్లోకి ఎంట్రీ ఇచ్చి ‘తమిళగ వెట్రి కజగం’ పార్టీ తరఫున నిర్వహించిన భారీ బహిరంగ సభలకు, ఆ తర్వాత ఆయన తమిళనాడు ముఖ్యమంత్రిగా ప్రమాణ స్వీకారం చేసిన అత్యంత కీలకమైన వేడుకకు కూడా సంగీతతో పాటు పిల్లలు హాజరుకాకపోవడంతో వీరిద్దరూ విడిపోయారనే వార్తలకు గట్టి బలం చేకూరింది. నటి త్రిషతో విజయ్‌కు ఉన్న సాన్నిహిత్యమే ఈ విభేదాలకు కారణమంటూ నెట్టింట రకరకాల పుకార్లు కూడా షికారు చేశాయి. అయితే, వాటన్నింటికీ శాశ్వతంగా చెక్ పెడుతూ.. ఈ స్టార్ కపుల్ తిరిగి కలిసి జీవించడానికి అంగీకరించిందనే టాక్ ఇప్పుడు కోలీవుడ్ సర్కిల్స్‌లో బలంగా వినిపిస్తోంది.

విజయ్ దంపతులు మళ్లీ కలవడానికి వారి కుటుంబ సభ్యులే కీలక పాత్ర పోషించారని సమాచారం. ముఖ్యంగా విజయ్ తల్లి శోభా చంద్రశేఖర్ స్వయంగా చొరవ తీసుకుని, ఇరుపక్షాలతో సుదీర్ఘంగా మాట్లాడినట్లు తెలుస్తోంది. విజయ్ రాజకీయ భవిష్యత్తును, కుటుంబ ప్రతిష్టను దృష్టిలో ఉంచుకుని పెద్దలు నచ్చజెప్పడంతో ఇరుపక్షాల మధ్య ఉన్న చిన్నపాటి అపార్థాలు పూర్తిగా తొలగిపోయాయట. ఇందులో భాగంగానే గత కొన్ని నెలలుగా లండన్‌లో ఉంటున్న సంగీత, ఇటీవల చెన్నైకి తిరిగి వచ్చారని.. ప్రస్తుతం ఈ దంపతులు ఇద్దరూ కలిసి క్వాలిటీ టైమ్ గడుపుతున్నారని ఇండస్ట్రీ టాక్.

సోషల్ మీడియాను షేక్ చేస్తున్న ఈ వార్తలపై ఇప్పటివరకు సీఎం విజయ్ కార్యాలయం నుండి కానీ, లేదా ఆయన కుటుంబ సభ్యుల నుండి కానీ ఎలాంటి అధికారిక ప్రకటన రాలేదు. ఇవన్నీ ప్రస్తుతానికి అంతర్గత వర్గాల నుండి వస్తున్న గట్టి ఊహాగానాలు మాత్రమే అని విజయ్ అభిమానులు కొట్టిపారేస్తున్నారు. ఇదింతా కేవలం ప్రచారం మాత్రమే అని, విజయ్ త్వరలోనే త్రిషని పెళ్లి చేసుకుంటారని విజయ్ అభిమానులు గట్టిగా చెబుతున్నారు. మరి ఈ ప్రచారంపై విజయ్ ఎలా స్పందిస్తారో చూడాలి.