Dhruv Vikram: అనుపమ పరమేశ్వరన్‌తో బ్రేకప్‌పై గుట్టు విప్పిన హీరో!

Anupama Parameswaran & Dhruv Vikram: ఈ రోజుల్లో సెలబ్రిటీల పర్సనల్ లైఫ్, వారి రిలేషన్‌షిప్స్ మీద వార్తలు రావడం కొత్తేమీ కాదు. కానీ, కొందరు నటీనటుల జీవితాల్లో జరిగే పరిణామాలు మాత్రం అభిమానులను తీవ్రంగా కలిచివేస్తుంటాయి. తాజాగా తమిళ యంగ్ హీరో ధృవ్ విక్రమ్, నటి అనుపమ పరమేశ్వరన్ల బ్రేకప్ వ్యవహారం, దాని చుట్టూ జరుగుతున్న సోషల్ మీడియా రగడ ఇప్పుడు కోలీవుడ్, టాలీవుడ్‌లలో తీవ్ర చర్చనీయాంశంగా మారింది.

ఇటీవల ఇచ్చిన ఒక ఇంటర్వ్యూలో అనుపమ పరమేశ్వరన్ తన గత సంబంధం గురించి తీవ్రమైన వ్యాఖ్యలు చేశారు. ఎవరి పేరునూ నేరుగా ప్రస్తావించనప్పటికీ, ఆమె పడ్డ మానసిక వేదన నెటిజన్లను కదిలించింది. దాదాపు రెండేళ్ల పాటు ఒక వ్యక్తితో టాక్సిక్ రిలేషన్‌షిప్‌లో ఉన్నానని, తన కెరీర్ నిర్ణయాలను, పర్సనల్ ఛాయిస్‌లను అవతలి వ్యక్తి నియంత్రించేందుకు ప్రయత్నించారని అనుపమ వెల్లడించారు.

ఈ మానసిక ఒత్తిడి వల్ల పానిక్ అటాక్స్, తీవ్రమైన ఆందోళన ఎదుర్కొన్నానని, బరువు తగ్గి తరచూ స్పృహ కూడా కోల్పోయేదాన్ని అని ఆవేదన వ్యక్తం చేశారు. చివరికి తన బ్లాక్‌బస్టర్ సినిమా ‘డ్రాగన్’ ప్రమోషన్లకు కూడా హాజరుకాలేని పరిస్థితి ఏర్పడిందని, అనేక మంచి అవకాశాలు చేజారిపోయాయని భావోద్వేగానికి లోనయ్యారు.

ఈ వ్యాఖ్యల తర్వాత సోషల్ మీడియాలో విమర్శలన్నీ ధృవ్ విక్రమ్ వైపే మళ్లాయి. ఆయన కారణంగానే అనుపమ ఈ పరిస్థితి ఎదుర్కొందంటూ నెటిజన్లు తీవ్రంగా ట్రోల్ చేయడం ప్రారంభించారు. దీంతో ధృవ్ స్పందిస్తూ ఒక భావోద్వేగ ప్రకటన ఇచ్చారు.

"చిన్న వయసులోనే సినీ పరిశ్రమలోకి వచ్చిన నాకు వ్యక్తిగత విషయాలపై వచ్చే విమర్శలు, పరిశీలనలు సర్వసాధారణమని తెలుసు. అలాగని ఇవి నన్ను బాధించలేదని చెప్పలేను. జీవితంలో మనం ప్రేమించే వ్యక్తులకు అండగా నిలవడం, వారిని కాపాడుకోవడం చాలా ముఖ్యం. మనం నిజాయితీ మార్గంలో ఉన్నప్పుడు, మన విలువలు స్పష్టంగా ఉన్నప్పుడు ఈ దుష్ప్రచారాలన్నీ కాలక్రమేణా సమసిపోతాయి" అని బ్రేకప్‌పై ధృవ్ విక్రమ్ క్లారిటీ ఇచ్చారు. కష్టకాలంలో తనకు మద్దతుగా నిలిచిన అభిమానులకు ఆయన ఈ సందర్భంగా ధన్యవాదాలు తెలిపారు.

ధృవ్ క్లారిటీ ఇచ్చే ప్రయత్నం చేసినప్పటికీ నెటిజన్లు మాత్రం శాంతించడం లేదు. తన ఇమేజ్‌ను కాపాడుకోవడానికే ధృవ్ ఇలాంటి స్టేట్‌మెంట్లు ఇస్తున్నారంటూ పలువురు అభిప్రాయపడుతున్నారు. గతంలో వీరిద్దరూ కలిసి పాల్గొన్న పాత ఈవెంట్లు, వీడియోలను తెరపైకి తెస్తూ నెట్టింట ట్రోలింగ్ కొనసాగిస్తున్నారు. మొత్తానికి అనుపమ చేసిన వ్యాఖ్యలు, దానికి ధృవ్ ఇచ్చిన వివరణతో ఈ బ్రేకప్ వ్యవహారం కోలీవుడ్, టాలీవుడ్‌ వర్గాల్లో మరింత వేడెక్కింది. మరి ఈ వివాదం ఇక్కడితో ముగుస్తుందో లేక ఇంకెన్ని మలుపులు తిరుగుతుందో వేచి చూడాలి.