Markapuram: మార్కాపురం స్ఫూర్తి ప్రత్యేక పాఠశాలలో అడ్మిషన్ల సందడి!

మార్కాపురం: పట్టణంలోని జవహర్‌నగర్‌లో ఉన్న స్ఫూర్తి వెల్ఫేర్ సొసైటీ ఆధ్వర్యంలోని మానసిక వికలాంగుల ప్రత్యేక పాఠశాలలో 2026-27 విద్యా సంవత్సరానికి ప్రవేశాల కోసం దరఖాస్తులను ఆహ్వానిస్తున్నట్లు సంస్థ డైరెక్టర్ ఏ. కాశిరెడ్డి తెలిపారు.

నిదానంగా ప్రతిస్పందించడం, భావాలను స్పష్టంగా వ్యక్తపరచలేకపోవడం, విషయాలను త్వరగా అర్థం చేసుకోలేకపోవడం, స్వతంత్రంగా నిర్ణయాలు తీసుకోలేని మానసిక వికలాంగ బాలబాలికలను ఈ పాఠశాలలో చేర్పించవచ్చని ఆయన పేర్కొన్నారు.

6 నుంచి 23 సంవత్సరాల వయస్సు గల బాలబాలికలు ప్రవేశాలకు అర్హులని తెలిపారు. ఆసక్తి గల తల్లిదండ్రులు మరిన్ని వివరాల కోసం 94409 31182, 63002 85776 నంబర్లను సంప్రదించాలని కోరారు.