Donald Trump: పరువు పోగొట్టుకున్న ట్రంప్ మామ.. ఇలా చేస్తే సొంత దేశంలోనే తిరుగుబాటు ఖాయం

Donald Trump: అమెరికాలో నవంబర్ నెలలో జరగబోయే కీలకమైన మిడ్-టర్మ్ ఎన్నికలకు కేవలం రెండు నెలల సమయం మాత్రమే ఉన్న వేళ అధ్యక్షుడు డోనాల్డ్ ట్రంప్‌కు ప్రజల నుంచి గట్టి షాక్ తగిలింది. ఇరాన్ యుద్ధ ప్రభావం, నియంత్రణ లేని ద్రవ్యోల్బణం కారణాలుగా ఆయన పాపులారిటీ రేటింగ్ అత్యంత కనిష్ఠంగా 33 శాతానికి పడిపోయింది. అమెరికా వేదికగా జరుగుతున్న రాజకీయ పరిణామాలు ఇప్పుడు వైట్ హౌస్ వర్గాల్లో తీవ్ర ఆందోళన రేకెత్తిస్తున్నాయి. ఇరాన్‌పై దాడులు చేసి ఆ దేశాన్ని తీవ్రంగా దెబ్బతీస్తామని ప్రగల్భాలు పలికిన ట్రంప్‌కు, అదే యుద్ధం ఇప్పుడు సొంత దేశంలోనే రాజకీయాన్ని తలకిందులు చేసే పరిస్థితిని తెచ్చింది. రాయిటర్స్, క్విన్నిపియాక్ యూనివర్సిటీ వంటి ప్రముఖ సంస్థలు నిర్వహించిన తాజా సర్వేలు ట్రంప్‌కు తీవ్ర హెచ్చరికలు జారీ చేశాయి. అమెరికా చరిత్రలోనే ఆయన రాజకీయ ప్రయాణంలో అత్యల్పంగా కేవలం 33 శాతం మంది మాత్రమే ట్రంప్ పనితీరును సమర్థిస్తుండగా, మిగిలిన వారంతా తీవ్ర అసంతృప్తి వ్యక్తం చేస్తున్నారు.

పెరిగిన నిత్యావసరాల ధరలతో ప్రజల అగ్రహం

యుద్ధం పేరుతో గ్యాస్, రేషన్ వస్తువుల ధరలు విపరీతంగా పెరిగిపోవడాన్ని సామాన్య అమెరికన్లు ఏమాత్రం జీర్ణించుకోలేకపోతున్నారు. గత ఫిబ్రవరిలో ఇరాన్‌పై బాంబు దాడులకు ఆదేశించిన నాటి నుంచి అమెరికా మార్కెట్లలో పెట్రోల్, గ్రాసరీ ధరలు ఆకాశాన్నంటాయి. పరాయి దేశంతో నడుస్తున్న పోరాటానికి తాము ఎందుకు మూల్యం చెల్లించాలని పౌరులు ప్రశ్నిస్తున్నారు. ద్రవ్యోల్బణాన్ని అదుపు చేయడంలో ట్రంప్ తీవ్రంగా విఫలమయ్యారని ఏకంగా 71 శాతం మంది అభిప్రాయపడగా, సైనిక చర్యలను 54 శాతం మంది అమెరికన్లు ముక్తకంఠంతో వ్యతిరేకిస్తున్నారు.

వైట్ హౌస్ చేజారే ప్రమాదం ఉందా?

ట్రంప్ పట్ల వెల్లువెత్తుతున్న ఈ నిరసన ప్రత్యర్థి జో బైడెన్ డెమొక్రాటిక్ పార్టీకి కొండంత బలాన్నిస్తోంది. సర్వేల ప్రకారం నేడే ఎన్నికలు జరిగితే ఇండిపెండెంట్ ఓటర్లలో 36 శాతం మంది డెమొక్రాట్లకు మద్దతు ఇవ్వడానికి సిద్ధంగా ఉన్నారు. రిపబ్లికన్ పార్టీ వైపు కేవలం 22 శాతం మంది మాత్రమే మొగ్గు చూపుతున్నారు. నవంబర్ ఓటింగ్‌పై డెమొక్రటిక్ శ్రేణుల్లో 46 శాతం ఉత్సాహం కనిపిస్తుంటే, రిపబ్లికన్ మద్దతుదారుల్లో ఆ ఉత్సాహం కేవలం 31 శాతానికే పరిమితమైంది.

MAGA బ్రాండ్ ఇప్పుడు భారం అయిందా?

ఒకప్పుడు డోనాల్డ్ ట్రంప్‌ను గెలిపించిన ఆయన అత్యంత పవర్ఫుల్ MAGA బ్రాండ్, ఇప్పుడు రిపబ్లికన్ పార్టీకి పెద్ద ప్రతిబంధకంగా మారింది. యుద్ధం కారణంగా ఉత్పన్నమైన ఆర్థిక సంక్షోభం అమెరికాపై తీవ్ర భారాన్ని మోపిందని 80 శాతం మంది నమ్ముతుండటానికి ట్రంప్ విధానాలే కారణమని బాహాటంగా విమర్శిస్తున్నారు. నవంబర్ 3న జరగనున్న మిడ్-టర్మ్ ఎన్నికల్లో కాంగ్రెస్‌లో ఉన్న స్వల్ప మెజారిటీని కూడా రిపబ్లికన్లు కోల్పోయే సూచనలు స్పష్టంగా కనిపిస్తున్నాయి.