AP School Holidays: ఏపీలో స్కూల్స్‌కు సెప్టెంబర్ సెలవులు ఇవే.. పూర్తి వివరాలు.!

AP School Holidays: ఏపీలోని పాఠశాలల విద్యార్థులకు గుడ్ న్యూస్. సెప్టెంబర్ నెల రాబోయే సెలవుల జాబితా వచ్చేసింది. సెప్టెంబర్ 2026 లో పలు సాధారణ సెలవులు ఉన్నాయి. పండుగలతో పాటు వారాంతపు సెలవులు కలుపుకుని విద్యార్థులకు ఈ నెలలో తగినన్ని లభించనున్నాయి.

రాష్ట్ర ప్రభుత్వ అధికారిక సెలవుల క్యాలెండర్ ప్రకారం, సెప్టెంబర్ 4వ తేదీన శ్రీ కృష్ణాష్టమి పండుగను పురస్కరించుకుని రాష్ట్రవ్యాప్తంగా ఉన్న అన్ని విద్యాసంస్థలకు సాధారణ సెలవు ప్రకటించారు. ఈ తేదీ సరిగ్గా శుక్రవారం రావడం, ఆ తర్వాతి రోజైన సెప్టెంబర్ 5వ తేదీన ఉపాధ్యాయ దినోత్సవం సందర్భంగా కొన్ని పాఠశాలలకు సెలవు ఇచ్చే అవకాశం ఉండటం, అలాగే సెప్టెంబర్ 6వ తేదీ ఆదివారం కావడంతో విద్యార్థులకు వరుసగా మూడు రోజులు లాంగ్ వీకెండ్ సెలవులు వచ్చే అవకాశం కనిపిస్తోంది.

దీని తర్వాత సెప్టెంబర్ రెండో వారం కూడా విద్యార్థులకు మరో పండుగ వాతావరణాన్ని తీసుకురానుంది. సెప్టెంబర్ 12వ తేదీన రెండో శనివారం విద్యాసంస్థలకు సాధారణ సెలవుగా అమలు కానుంది. మరుసటి రోజు సెప్టెంబర్ 13 ఆదివారం కావడంతో యథావిధిగా పాఠశాలలు మూతపడతాయి. ఆ మరుసటి రోజు సెప్టెంబర్ 14వ తేదీ సోమవారం వినాయక చవితి పండుగ సందర్భంగా రాష్ట్ర ప్రభుత్వం అధికారికంగా సాధారణ సెలవును ముందే ప్రకటించింది. దీనివల్ల రెండో శనివారం నుంచి వరుసగా మూడు రోజుల పాటు విద్యార్థులకు మరో లాంగ్ వీకెండ్ లభించనుంది. ఈ సాధారణ సెలవులు రాష్ట్రవ్యాప్తంగా ఉన్న అన్ని ప్రభుత్వ, ప్రైవేటు పాఠశాలలతో పాటు ప్రభుత్వ కార్యాలయాలకు కూడా కచ్చితంగా వర్తిస్తాయి.

ఈ రెండు ప్రధాన పండుగలతో పాటు సెప్టెంబర్ 22వ తేదీ మంగళవారం నాడు యాజ్ దహుమ్ షరీఫ్ సందర్భంగా ఆప్షనల్ హాలిడే క్యాలెండర్‌లో ప్రభుత్వం పొందుపరిచారు. ముస్లిం మైనారిటీ సంస్థలు లేదా ఆ వర్గానికి చెందిన విద్యార్థులు ఈ ఐచ్ఛిక సెలవును ఉపయోగించుకునే వెసులుబాటు ఉంటుంది. మిగతా పాఠశాలలు ఆ రోజు సాధారణ పని దినంగానే కొనసాగుతాయి. ఈ నిర్దిష్ట పండుగల సెలవులకు అదనంగా సెప్టెంబర్ 6, సెప్టెంబర్ 13, సెప్టెంబర్ 20, సెప్టెంబర్ 27 తేదీల్లో సాధారణ ఆదివారం సెలవులు వస్తాయి.

ఈ సెలవుల జాబితా ఆంధ్రప్రదేశ్ పరిధిలోని అన్ని జిల్లాలకు ఒకేలా వర్తిస్తుంది. కొన్ని ప్రత్యేక పరిస్థితుల్లో జిల్లాల వారీగా స్థానిక పండుగలు లేదా వాతావరణ విపత్తుల కారణంగా అదనపు సెలవులు ఇచ్చే అధికారం ఆయా జిల్లాల కలెక్టర్లకు లేదా జిల్లా విద్యాశాఖ అధికారులకు ఉంటుంది.