TS Corona Cases: తెలంగాణలో కొత్తగా 4,826 కేసులు, 32 మంది మృతి

TS Corona Cases: తెలంగాణలో కరోనా ఉద్ధృతి కొనసాగుతోంది. గడిచిన 24 గంటల్లో 65,923 నమూనాలను పరీక్షించారు. ఇందులో 4వేల826 మందికి పాజిటివ్‌ నిర్ధారణ అయ్యింది. తెలంగాణ రాష్ట్రంలో ఇప్పటి వరకు 4,36,619 కరోనా పాజిటివ్ కేసులు నమోదయ్యాయి.

తాజాగా రాష్ట్రంలో 32 మంది కరోనాతో మరణించారు. ఈ మేరకు రాష్ట్ర ప్రభుత్వం బులిటెన్‌ విడుదల చేసింది. కాగా, మొత్తం మరణాల సంఖ్య 2,771కి పెరిగింది. ప్రస్తుతం రాష్ట్రంలో 62,797 యాక్టివ్ కేసులు ఉన్నాయి. ఈ రోజు 7వేల754 మంది కరోనా నుంచి కోలుకున్నారని రాష్ట్ర ప్రభుత్వం వెల్లడించింది. అత్యధికంగా జీహెచ్‌ఎంసీ పరిధిలో 723 కేసులు నమోదయ్యాయి.