Samsung Smartphones: ఈ 3 స్మార్ట్‌ఫోన్ల ధర తగ్గించిన శాంసంగ్‌.. కేవలం రూ.7 వేలలోపే..!

Samsung Smartphones: దసరా, దీపావళి పండుగలకు ముందు శాంసంగ్‌ వినియోగదారులకు శుభవార్త చెప్పింది. గెలాక్సీ ఎమ్, గెలాక్సీ ఎఫ్ స్మార్ట్‌ఫోన్‌లలో కొన్నింటి ధరలను అకస్మాత్తుగా తగ్గించాలని నిర్ణయించింది. Galaxy F13, Galaxy F04, Galaxy M13, Galaxy M04 ధరలు తగ్గించింది. ఎంత తగ్గించిందో ఈ రోజు తెలుసుకుందాం.

Samsung Galaxy F13, Galaxy M13, & Galaxy M04 ధర తగ్గుదల

Galaxy M04, Galaxy F04 వాస్తవానికి రూ.8,499, రూ. 7,499 వద్ద ప్రారంభమవుతాయి. కానీ ఇప్పుడు రెండింటి ధరను రూ.6,499కి తగ్గించింది. ప్రత్యేక ధర తగ్గింపు Samsung అధికారిక వెబ్‌సైట్, Amazon (Galaxy M04), Flipkart (Galaxy F04) అధీకృత రిటైల్ స్టోర్‌లలో మాత్రమే కనిపిస్తుంది.

మరోవైపు Galaxy M13, Galaxy F13 లాంచ్ సమయంలో కొంచెం ఖరీదైనవి. ఇప్పుడు వీటతిని రూ.9,199కి తగ్గిస్తోంది. పండుగ సీజన్‌కు ముందు ఈ డీల్ వచ్చింది. ఈ రెండు పరికరాల మాదిరిగానే గెలాక్సీ M13 కొత్త ధర అమెజాన్‌లో చూడవచ్చు. Galaxy F13 కొత్త ధర Flipkartలో జాబితాలో చూడవచ్చు.

Galaxy M13, Galaxy F13 లు 6,000mAh బ్యాటరీ ప్యాక్‌ను కలిగి ఉంటాయి. ఇవి దీర్ఘకాలిక బ్యాటరీ జీవితాన్ని అందిస్తాయి. Galaxy F13 మెరుగైన వీడియో, గేమింగ్ అనుభవాలను అందించే పూర్తి HD డిస్‌ప్లేను కలిగి ఉంటుంది. మరోవైపు Galaxy M04, Galaxy F04 మెరుగైన పనితీరును అందించే 4GB RAMని కలిగి ఉంటాయి.