Brian Lara: టెస్ట్ క్రికెట్లో 400 పరుగులు సాధించి రికార్డు సృష్టించిన బ్రియాన్ లారా ఆస్తులు ఎన్నో తెలిస్తే షాక్ అవుతారు
Brian Lara Net Worth: వెస్టిండీస్ బ్యాట్స్మన్ బ్రియాన్ లారా క్రికెట్లో రికార్డులు సృష్టించడమే కాకుండా, డబ్బు సంపాదించడంలో కూడా అగ్రస్థానంలో ఉన్నాడు. ప్రపంచంలోని టాప్ 10 ధనవంతులైన క్రికెటర్లలో బ్రియాన్ లారా 5వ స్థానంలో ఉన్నారు. సచిన్ టెండూల్కర్ పేరు మొదటి స్థానంలో ఉంది. అయితే, బ్రియాన్ లారా ప్రస్తుతం క్రికెట్ అన్ని ఫార్మాట్ల నుండి రిటైర్ అయ్యాడు. కానీ ఇంటర్నేషనల్ మాస్టర్స్ లీగ్లో వెస్టిండీస్ తరపున ఆడుతున్నాడు.
బ్రియాన్ లారా క్రికెట్ కెరీర్ మరపురానిది. అనేక రికార్డులను బద్దలు కొట్టి రికార్డు క్రియేట్ చేశాడు. వాటిలో 400 పరుగులతో టెస్ట్ మ్యాచ్లో అత్యధిక పరుగులు చేసిన రికార్డు ఇప్పటికీ ఉంది. ఈ రికార్డును ఇంకా ఎవరూ బద్దలు కొట్టలేదు. బ్రియాన్ లారా తన అద్భుతమైన బ్యాటింగ్కు అనేక అవార్డులు, గౌరవాలను అందుకున్నాడు. అతని క్రీడా విజయం సుదీర్ఘమైన, లాభదాయకమైన కెరీర్ను ఇచ్చింది.
దీనితో పాటు, అతని మ్యాచ్ ఫీజులు, బహుమతి డబ్బు అతని సంపదకు ప్రధాన వనరులలో ఉన్నాయి. అతని క్రికెట్ ప్రయాణం అతనికి ఆటలో గౌరవాన్ని సంపాదించిపెట్టడమే కాకుండా ఆర్థిక పరంగా విజయవంతమైన వ్యక్తిగా కూడా నిలిచింది. టైమ్స్ ఆఫ్ ఇండియా నివేదిక ప్రకారం, ప్రపంచంలోని టాప్ 10 ధనవంతులైన క్రికెటర్ల జాబితాలో బ్రియాన్ లారా 5వ స్థానంలో ఉన్నారు. అతని మొత్తం సంపద దాదాపు 60 మిలియన్ డాలర్లు అంటే దాదాపు రూ. 450 కోట్లు ఉంటుందని అంచనా.
లారా తన క్రీడా జీవితంలో అనేక ప్రధాన బ్రాండ్లతో ఒప్పందాలు కుదుర్చుకున్నాడు. క్రికెట్ నుంచి రిటైర్ అయిన తర్వాత, అతను ప్రకటనలు, బ్రాండ్ అంబాసిడర్ల రూపంలో బాగానే సంపాదించాడు. ఆయన ప్రముఖ బ్రాండ్లతో సహా వివిధ ఉత్పత్తులను ప్రమోట్ చేస్తూ కనిపించారు. ఈ ప్రకటనల ఒప్పందాలతోనే లారా భారీ మొత్తంలో ఆస్తులు సంపాదించాడు. లారా తన క్రీడా జీవితం తర్వాత యువ క్రికెటర్లకు ట్రైనింగ్ ఇచ్చాడు. వెస్టిండీస్ క్రికెట్ను మెరుగుపరచడానికి, యువ ఆటగాళ్లకు స్ఫూర్తినిచ్చేందుకు అతను అనేక సందర్భాల్లో కోచర్ గా పనిచేశారు. అంతేకాదు క్రికెట్ అకాడమీలలో కూడా భాగమయ్యాడు. తన అనుభవం జ్ఞానంతో యువ ఆటగాళ్లకు ఎంతో ప్రయోజనం చేకూర్చుతున్నాయి.
కేవలం క్రికెట్ లోనే కాకుండా.. ఇతర రంగాలలో కూడా పెట్టుబడులు పెట్టారు. ఆయనకు ట్రినిడాడ్, టొబాగోలో గోల్ఫ్ కోర్సు, రిసార్ట్ ఉన్నాయి. ఇది పర్యాటక ఆతిథ్య పరిశ్రమలో గణనీయమైన ఆదాయ వనరులను అందిస్తుంది. దీనితో పాటు, అతనికి సామాజిక సేవ, విద్య, క్రీడలను ప్రోత్సహించడానికి పనిచేసే ఒక ఫౌండేషన్ కూడా ఉంది.