షెడ్యూల్ ప్రకారమే సమావేశాలు : లోక్ సభ స్పీకర్ ఓం బిర్లా

దేశంలో పెరుగుతున్న కరోనావైరస్ కేసులపై ఆందోళన మధ్య, లోక్సభ స్పీకర్ ఓం బిర్లా ఆదివారం లోక్ సభ సమావేశాలపై ఆసక్తికర వ్యాఖ్యలు చేశారు.షెడ్యూల్ ప్రకారమే పార్లమెంట్‌ వర్షాకాల సమావేశాలు జరుగుతాయని లోక్‌సభ స్పీకర్ ఓం బిర్లా తెలిపారు. మునుపటి ఏడాది, వర్షాకాలం సెషన్ జూన్ 20 మరియు ఆగస్టు 7 మధ్య జరిగింది. COVID-19 సంక్షోభం కారణంగా ఇది దేశానికి పరీక్షా సమయం అని నొక్కిచెప్పిన ఓం బిర్లా, సాధారణ షెడ్యూల్ ప్రకారం సెషన్ నిర్వహించవచ్చని ఆశాభావం వ్యక్తం చేశారు..

అయితే అది కూడా పరిస్థితులపై ఆధారపడి ఉంటుందని అన్నారు. జూన్-జూలైలో కఠినమైన సామాజిక-దూర నిబంధనలు ఇంకా ఉంటే సెషన్‌ను నిర్వహించడం సాధ్యమేనా అనే ప్రశ్నకు సమాధానమిస్తూ, ఆ పరిస్థితి వచ్చినప్పుడు ఒక మార్గం కనుగొనవచ్చు అని అన్నారు. కరోనా వైరస్‌ నేపథ్యంలో లాక్‌డౌన్‌ కారణంగా పార్లమెంట్‌ వర్షకాల సమావేశాలను వాయిదా వేసే అవకాశం ఉందంటూ వార్తలు వినిపించిన విషయం తెలిసిందే.