బిఎస్ఎఫ్ అధికారికి కరోనావైరస్ పాజిటివ్.. 50 మంది జవాన్ల నిర్బంధం

బోర్డర్ సెక్యూరిటీ ఫోర్స్ (బిఎస్ఎఫ్) లోని 50 మంది సిబ్బందిని మధ్యప్రదేశ్ లోని గ్వాలియర్ జిల్లా టెకాన్పూర్ నగరంలోని బిఎస్ఎఫ్ అకాడమీలో నిర్బంధించారు, అకాడమీలోని ఒక అధికారికి కరోనావైరస్ పాజిటివ్ అని తేలింది. దాంతో మార్చి 29 నాటికి, మధ్యప్రదేశ్ రాష్ట్రంలో 34 కోవిడ్ -19 కేసులు నమోదయ్యాయి.

ఇటీవల అదనపు డైరెక్టర్ జనరల్ (ఎడిజి) మరియు ఇన్స్పెక్టర్ జనరల్ (ఐజి), బిఎస్ఎఫ్ అకాడమీ డైరెక్టర్లు ఇద్దరూ ఇతర అధికారుల తోపాటు ఒక సమావేశంలో పాల్గొన్నారు.. ఈ సమావేశానికి పాజిటివ్ గా పరీక్షించిన అధికారి కూడా హాజరయ్యారు. అన్ని యూనిట్ల కమాండర్లు కూడా ఈ సమావేశంలో భాగమని ఇన్పుట్లు సూచిస్తున్నాయి. ఈ సమావేశం యొక్క లక్ష్యం బిఎస్ఎఫ్ నిర్బంధ కేంద్రాల గురించి చర్చించడమే.. 57 సంవత్సరాల వయస్సులో, ఈ బిఎస్ఎఫ్ జవాన్ యునైటెడ్ కింగ్‌డమ్‌కు ప్రయాణ చరిత్ర కలిగిన అతని భార్య నుండి కోవిడ్ -19 సోకినట్టు భావిస్తున్నారు. వ్యాధి సోకిన సెకండ్ ఇన్ కమాండ్ ర్యాంక్ ఆఫీసర్ ప్రస్తుతం స్థానిక ఆసుపత్రిలో చికిత్స పొందుతున్నాడు.

ఆ జవాన్ కనీసం 30 మందికి పైగా బిఎస్ఎఫ్ జవాన్లతో సంబంధాలు కలిగివున్నట్లు తెలిసింది, దాంతో వీరిని స్వీయ నిర్బంధానికి ఆదేశించారు. మరోవైపు శనివారం ముంబై అంతర్జాతీయ విమానాశ్రయంలో సెంట్రల్ ఇండస్ట్రియల్ సెక్యూరిటీ ఫోర్స్ (సిఐఎస్ఎఫ్) గా ఉన్న ఒక అధికారికి కోవిడ్ -19 కు పాజిటివ్ అని తేలింది.