ఢిల్లీలో మరోసారి భూ ప్రకంపనలు

ఢిల్లీలో మరోసారి భూ ప్రకంపనలు సంభవించాయి. సోమవారం రిక్టర్ స్కేలుపై 2.7 తీవ్రతతో భూమి స్వల్పంగా కంపించిందని.. కాని ఎటువంటి నష్టం జరగలేదు. ఈ మేరకు ప్రముఖ వార్తా సంస్థ పిటిఐ సోమవారం మధ్యాహ్నం ట్వీట్ చేసింది.

కాగా ఆదివారం మొదటిసారి దేశ రాజధానిలో 3.5 తీవ్రతతో వచ్చిన భూకంపం ఈ ప్రాంతాన్ని కదిలించింది నిన్న సాయంత్రం 5.45 గంటలకు భూకంపం సంభవించిందని నేషనల్ సెంటర్ ఫర్ సీస్మోలజీ (ఎన్‌సిఎస్) తెలిపింది. దీని కేంద్రం ఢిల్లీలోని వజీరీబాద్‌లో 8 కిలోమీటర్ల లోతున కేంద్రీకృతమైనట్లు నేషనల్‌ సెంటర్‌ ఫర్‌ సిస్మాలజీ(ఎన్‌సీఎస్‌) వెల్లడించింది.ఎక్కడెక్కడ ప్రభావం చూపించిందో అని సర్వే చేశారు అధికారులు.. ఎక్కడా ఎటువంటి నష్టం జరగలేదని తేల్చింది.. దీంతో పాటు పొరుగున ఉన్న నోయిడా, ఘజియాబాద్ మరియు ఫరీదాబాద్లలో కూడా ప్రకంపనలు సంభవించాయి.

ఈ క్రమంలో వరుసగా రెండో రోజు సంభవించిన భూ ప్రకంపనల్లో కూడా ఎటువంటి ప్రాణనష్టం , ఆస్తి నష్టం జరగలేదని అధికారులు స్పష్టం చేశారు. మరోవైపు వరుస భూ ప్రకంపనలతో ఢిల్లీ వాసులలో అలజడి నెలకొంది.