మళ్లీ రామ్ చరణ్ సినిమాని ఆలస్యం చేస్తున్న శంకర్

RC 15: ఈ మధ్యనే "ఆర్ఆర్ఆర్" సినిమాతో బ్లాక్ బస్టర్ అందుకున్న మెగా పవర్ స్టార్ రామ్ చరణ్ తాజాగా ఇప్పుడు శంకర్ డైరెక్షన్లో ఒక సినిమా చేయబోతున్న సంగతి తెలిసిందే. #ఆర్సీ15 అనే టైటిల్ తో ప్రేక్షకుల ముందుకు రాబోతున్న ఈ సినిమా కోసం అభిమానులు ఆసక్తిగా ఎదురుచూస్తున్నారు. ఇప్పటికే ఈ సినిమా షూటింగ్ కొంతవరకు పూర్తయింది. కానీ కమల్ హాసన్ హీరోగా "భారతీయుడు 2" సినిమా షూటింగ్ మళ్లీ మొదలుపెట్టే అవకాశం రావడంతో శంకర్ రామ్ చరణ్ సినిమాను పక్కకు పెట్టేసి "భారతీయుడు 2" సినిమా షూటింగ్ ను పట్టాలెక్కించారు. ఈ నేపథ్యంలో మెగా అభిమానులు షాక్ అయిన సంగతి తెలిసిందే.

అయితే సోషల్ మీడియా ద్వారా "భారతీయుడు 2" మరియు రామ్ చరణ్ సినిమా షూటింగులు ఒకేసారి జరుపుకుంటాయని తెలియజేశారు శంకర్. అనుకున్న ప్రకారం అయితే ఇవాల్టి నుండి ఈ సినిమా షూటింగ్ తిరిగి మొదలు అవ్వాలి. కానీ "భారతీయుడు 2" సినిమా షూటింగ్లో బిజీగా ఉన్న శంకర్ రామ్ చరణ్ సినిమాకి సమయాన్ని కేటాయించలేకపోతున్నారు. ఈ నేపథ్యంలో శంకర్ రామ్ చరణ్ సినిమాకి మళ్లీ బ్రేకులు వేసినట్లుగా తెలుస్తోంది. ఇప్పటికే సినిమా కోసం ఆసక్తిగా ఎదురు చూస్తున్న అభిమానులు ఇప్పుడు శంకర్ పై సోషల్ మీడియాలో మళ్లీ ట్రోలింగ్ మొదలుపెట్టారు.