Edible Gold: తినే బంగారం నిజంగా మంచిదేనా? ఎలా తయారవుతుంది?

Edible Gold : బంగారంతో ఉన్న బర్ఫీలు, లడ్డూలు, జిలేబీలు చూసి మీకు ఒక్కసారైనా “ఇది నిజంగా తినచ్చా?” అనే సందేహం కలిగే ఉంటుంది. అలాంటి బంగారాన్ని ఎడిబుల్ గోల్డ్ (Edible Gold) అంటారు. ఇవి స్వీట్స్, కేకులు, చాక్లెట్లు, ఐస్‌క్రీమ్స్‌, సుషీ, లిక్కర్‌లపై డెకరేషన్‌గా వాడుతారు. కాని.. ఈ తినే బంగారం ఎక్కడ లభిస్తుంది? ఎలా తయారవుతుంది? తినితే ఆరోగ్యానికి మంచిదా? ఇప్పుడు దీన్ని డీప్‌గా తెలుసుకుందాం.

ఎడిబుల్ గోల్డ్ అంటే ఏమిటి?

ఎడిబుల్ గోల్డ్ అనేది తినదగిన బంగారం. దీన్ని 24 క్యారెట్ లేదా 23 క్యారెట్ శుద్ధ బంగారంతో తయారుచేస్తారు. ఇది E-175 అనే ఫుడ్ కోడ్ కింద అమెరికా, బ్రిటన్ వంటి దేశాల్లో ఆహార వినియోగానికి అనుమతించబడింది.

ఇది ఎలా తయారవుతుంది?

శుద్ధ బంగారాన్ని అత్యంత సన్నని పొరలుగా (Gold Leaf), రెసులా (Flakes), లేదా పొడిగా (Dust) తయారు చేస్తారు.

బంగారాన్ని సుత్తితో కొట్టి లేదా మెషీన్లలో రోల్ చేసి ఈ రూపాల్లో తయారు చేస్తారు.

తయారీ ప్రక్రియ అంతా ఫుడ్ గ్రేడ్ ప్రమాణాలకు అనుగుణంగా జరుగుతుంది.

నగల బంగారంలో రాగి, ఇత్తడి వంటి లోహాలు కలిపినప్పటికీ, తినే బంగారంలో అలాంటివి ఉండవు.

ఎక్కడ వాడతారు?

• హై ఎండ్ రెస్టారెంట్లలో లగ్జరీ డెజర్ట్స్‌కి డెకరేషన్‌గా
• స్వీట్ షాపుల్లో బర్ఫీ, లడ్డూ, జిలేబీ వంటి వాటిపై
• ఫుడ్ బ్లాగర్లు, లగ్జరీ షెఫ్స్ తమ వంటలకు రాయల్ టచ్ ఇవ్వడానికి
• కొంతమంది ఫేస్ ప్యాక్స్‌కి కూడా వాడుతుంటారు

తినే బంగారం తింటే ముసలితనం రాదా?

ఈ విషయం గురించి కొంతమంది చెబుతారు – ఇది రోగనిరోధక శక్తిని పెంచుతుంది, ముసలితనాన్ని తడుపుతుంది అని. కానీ ఇవి శాస్త్రీయంగా నిరూపితమయ్యే విషయాలు కావు. ఈ బంగారంలో ఎలాంటి పోషకాలు ఉండవు. ఇది కేవలం డెకరేషన్ కోసమే వాడే మెటీరియల్.

అయితే స్వర్ణ భస్మ ఏంటి?

ఆయుర్వేదంలో "స్వర్ణ భస్మం" అనే బంగారపు పదార్థాన్ని ఉపయోగిస్తారు.

ఇది బ్రాంకియల్ ఆస్తమా, ఆర్థరైటిస్, డయాబెటిస్ వంటి వ్యాధుల చికిత్సలో ఉపయోగించారని చెబుతారు.

కానీ దీనికి ఆధునిక మెడికల్ సైన్స్ ఆమోదం ఇవ్వలేదు.

తినే బంగారాన్ని రోజూ తినవచ్చా?

దీన్ని పెద్ద మొత్తంలో తినకూడదు.

ఇది లోహం కాబట్టి ఎక్కువగా తింటే జీర్ణ సమస్యలు, లివర్, కిడ్నీ ప్రభావితమయ్యే ప్రమాదం ఉంటుంది.

రోజువారీ వినియోగానికి సిఫారసులు ఎక్కడా లేవు. ఎందుకంటే ఇది ఎక్కువగా వాడే పదార్థం కాదు.

ఇండియాలో ఎక్కడ దొరుకుతుంది?

హైదరాబాద్, ఢిల్లీ వంటి నగరాల్లోని ప్రముఖ స్వీట్ షాపుల్లో దీన్ని ఉపయోగిస్తారు.

ఆన్‌లైన్ ఈ-కామర్స్ సైట్లలో "Edible Gold Leaf", "Gold Flakes", "Gold Dust" పేర్లతో లభిస్తుంది.

ధర ₹300 నుంచి ₹1000 వరకు ఉంటుంది (ప్యాకెట్ పరిమాణాన్ని బట్టి).

ఫైనల్ గమనిక:

తినే బంగారాన్ని వాడడం స్టైల్ మేటర్ మాత్రమే. ఆరోగ్యపరంగా ఎలాంటి ప్రయోజనం లేదు. మీ డిష్‌ని రిచ్ లుక్‌కి తీసుకురావడమే అసలు ఉద్దేశ్యం. తినే బంగారం శుద్ధమైనదో లేదో, ఫుడ్ గ్రేడ్ ఉందో లేదో చూసి తీసుకోవాలి. లేదంటే ప్రమాదమే!

స్మార్ట్ ఫుడ్ ఛాయిస్ కోసం.. శాస్త్రీయ ఆధారాలు ఉన్నదాన్ని మాత్రమే నమ్మండి!