Pakistan Fear: భయంభయంగా పాకిస్థాన్.. బంకర్లలో దూరిపోతున్న ఉగ్రవాదులు!
సరిహద్దు దాటి భారత్లోకి చొరబడి దాడులు జరిపేందుకు టెర్రరిస్టులు వీలైన ప్రదేశాలను ఎంచుకుంటారు. ఇప్పుడు ఆ ప్రాంతాలను ఖాళీ చేయడం అనుమానాలను రేకెత్తిస్తోంది.
Pakistan Fear: భయంభయంగా పాకిస్థాన్.. బంకర్లలో దూరిపోతున్న ఉగ్రవాదులు!
పాకిస్తాన్లో ఇప్పుడు భయం గుబురుగా మారింది. భారత సైన్యం ఎప్పుడు, ఎక్కడి నుంచి దాడికి దిగుతుందోనని పాకిస్తాన్ ఆందోళనతో ఊగిపోతోంది. గతంలో భారత్ జరిపిన సర్జికల్ స్ట్రైక్స్ను గుర్తు చేసుకుంటూ, మళ్లీ అలాంటి మెరుపుదాడులు జరిగే అవకాశాన్ని ఊహిస్తూ ముందస్తు జాగ్రత్తలు తీసుకుంటోంది. సరిహద్దుల్లోని మరియు పాక్ ఆక్రమిత కశ్మీర్ ప్రాంతాల్లో ఉగ్ర స్థావరాలను ఖాళీ చేయిస్తూ, టెర్రరిస్టులను బంకర్లు, సైనిక షెల్టర్లకు తరలిస్తోంది. తాజా ఇంటెలిజెన్స్ సమాచారం ప్రకారం, సరిహద్దు ప్రాంతాల్లో టెర్రరిస్టు క్యాంపులు ఖాళీ అవుతున్నాయి.
పహల్గాంలో జరిగిన ఉగ్రదాడిలో అమాయక పర్యాటకుల ప్రాణాలు కోల్పోవడంతో, దేశవ్యాప్తంగా తీవ్ర ఆగ్రహం చెలరేగింది. దాడి పాల్పడ్డ వారిని ఎట్టి పరిస్థితుల్లోనూ వదలకూడదని ప్రధాని మోదీ స్పష్టం చేశారు. దీంతో భారత ఇంటెలిజెన్స్ వర్గాలు పాకిస్తాన్ ఆక్రమిత కశ్మీర్ ప్రాంతాల్లో టెర్రరిస్టుల కదలికలపై గట్టి నిఘా పెట్టాయి.
పీవోకేలో కెల్, సర్డి, పార్వార్డ్ వంటి కీలక ప్రాంతాల్లో ఉన్న టెర్రర్ లాంచ్ ప్యాడ్లను గుర్తించిన భారత అధికారులు, అక్కడి నుంచి టెర్రరిస్టులు తరలించబడుతున్నట్లుగా గుర్తించారు. ఈ మార్పు వెనుక సర్జికల్ స్ట్రైక్స్ భయం స్పష్టంగా కనిపిస్తోంది. సరిహద్దు దాటి భారత్లోకి చొరబడి దాడులు జరిపేందుకు టెర్రరిస్టులు వీలైన ప్రదేశాలను ఎంచుకుంటారు. ఇప్పుడు ఆ ప్రాంతాలను ఖాళీ చేయడం అనుమానాలను రేకెత్తిస్తోంది.
ఇటు భారత భద్రతా దళాలు ఇటీవల పీవోకేలో నిర్వహించిన లక్ష్యబద్ధమైన దాడుల్లో 42 ఉగ్ర స్థావరాలను ధ్వంసం చేశాయి. ఆ స్థావరాల్లో సుమారు 150 నుంచి 200 మంది శిక్షణ పొందిన టెర్రరిస్టులు ఆశ్రయం తీసుకున్నట్లు గుర్తించారు. ఈ టెర్రరిస్టులు భారత్లో చొరబడేందుకు యత్నించడానికి సన్నద్ధంగా ఉన్నట్లు తెలుస్తోంది. సరిహద్దుల్లో హిజ్బుల్ ముజాహిదీన్, జైషే మొహమ్మద్, లష్కరే తోయిబా వంటి ప్రధాన ఉగ్ర సంస్థలతో పాటు 17 చిన్న పెద్ద ఉగ్ర గుంపులు యాక్టివ్గా ఉన్నాయి.
పహల్గాంలోని బైసరన్ వ్యాలీలో దాడికి దిగిన లష్కరే తోయిబా అనుబంధ సంస్థ ది రెసిస్టెన్స్ ఫ్రంట్ టెర్రరిస్టులు అత్యంత పాశవికంగా 26 మంది పర్యాటకులను బలితీసుకోవడం దేశవ్యాప్తంగా తీవ్ర దిగ్భ్రాంతిని కలిగించింది. ఇప్పుడు పాక్ ఆక్రమిత కశ్మీర్లో టెర్రరిస్టుల కదలికలపై మేలుకోని పరిస్థితి నెలకొంది. భారత్ ఎప్పుడైనా కఠిన ప్రతీకారం తీసుకునే అవకాశం కనిపిస్తోంది.