Horoscope Today: సోమవారం.. నేటి రాశి ఫలాలు ఎలా ఉన్నాయంటే..?

(06-05-2024, సోమవారం)

కాలాదులు: శ్రీ క్రోధి నామ సంవత్సరం, చైత్ర మాసం, ఉత్తరాయణం, వసంతరుతువు, బహుళ పక్షం,

తిధి : త్రయోదశి మధ్యాహ్నం గం.2.40 ని.ల వరకు, ఆ తర్వాత చతుర్దశి,

నక్షత్రం : రేవతి సా. గం.5.43 ని.ల వరకు అనంతరం అశ్వని

అమృతఘడియలు: మధ్యాహ్నం 3.32 నుంచి సా.4.59 వరకు

వర్జ్యం: ఉదయం గం.6.50 ని.ల నుంచి ఉదయం గం.8.17 ని.ల వరకు,

దుర్ముహూర్తం : మ.12.39 నుంచి 1.30 వరకు, తిరిగి 3.13 నుంచి 4.04 వరకు

రాహుకాలం : ఉదయం గం. 7.24 ని.ల నుంచి ఉదయం గం.9.00 ని.ల వరకు

సూర్యోదయం : ఉదయం గం. 5.48 ని.లకు,

సూర్యాస్తమయం : సాయంత్రం గం. 6.38 నిలకు

ఇవాళ్టి విశేషం : మాస శివరాత్రి

మేషం :

పనులకు ఆటంకాలు కలిగించే వారుంటారు. అప్రమత్తంగా ఉండండి. బంధువుల వైద్యం కోసం ధనవ్యయం చేయాల్సి రావచ్చు. అనవసర ప్రయాణాలు వాయిదా వేసుకోండి. విదేశీ ప్రయాణ ప్రయత్నాలు ఫలిస్తాయి.

వృషభం :

రోజంతా ఆనందకరంగా సాగుతుంది. శుభకార్యాల్లో ఆత్మీయులను కలుస్తారు. విందుల్లో పాల్గొంటారు. సంతాన సంబంధ వ్యవహారాలు సంతోషాన్నిస్తాయి. మిత్రులు తోడుగా నిలుస్తారు. ఆరోగ్యం బాగుంటుంది.

మిథునం :

ఆశించిన ఫలితాన్ని పొందుతారు. శత్రువులపై గెలుపు సాధిస్తారు. బాధ్యతలు పెరుగుతాయి. పెద్దల ఆదరాభిమానాలు లభిస్తాయి. కీర్తి ప్రతిష్టలు పెరుగుతాయి. ఆత్మవిశ్వాసం వృద్ధి చెందుతుంది.

కర్కాటకం :

స్వల్ప ఒడుదుకులున్నా చేపట్టిన పనులు సవ్యంగా సాగుతాయి. తొందరపాటు నిర్ణయాలు వద్దు. దూర ప్రాంతానికి వెళ్లాల్సి రావచ్చు. బలహీనతలను బయటపెట్టకండి. ఇష్టదేవతా ప్రార్థన మీకు ప్రశాంతతనిస్తుంది.

సింహం :

అప్రమత్తంగా ఉండాలి. మీ దుందుడుకు స్వభావాన్ని తగ్గించుకుంటే అధికారులు, పెద్దల మన్ననలు పొందగలుగుతారు. తగాదాలకు దూరంగా ఉండండి. పైత్య సంబంధ సమస్యలను నిర్లక్ష్యం చేయవద్దు.

కన్య :

రోజంతా సంతృప్తిగా సాగుతుంది. శారీరక, మానసిక శాంతిని పొందుతారు. ప్రయాణాలు ఆనందకరంగా సాగుతాయి. బంధుమిత్రులను కలుస్తారు. కీర్తి పెరుగుతుంది. జీవితభాగస్వామి సూచనలు పాటించండి.

తుల :

చేపట్టిన పని విజయవంతం అవుతుంది. ధనలాభం ఉంది. కీలకమైన సమయానికి బంధుమిత్రులు తోడుగా నిలుస్తారు. ఆరోగ్యం మెరుగ్గా ఉంటుంది. కీర్తి ప్రతిష్టలు పెరుగుతాయి. పుణ్యకార్యాల్లో పాల్గొంటారు.

వృశ్చికం :

ఆటంకాలుంటాయి. శత్రువుల కదలికలను ఓకంట కనిపెట్టి ఉండండి. తెలివితేటలకు గుర్తింపు లభించదు. నిరాశ వద్దు. మనోధైర్యంతో ముందుకు సాగండి. విలువైన వస్తువులు, డాక్యుమెంట్లను భద్రంగా దాచండి.

ధనుస్సు :

ఇవాళ ఖర్చులను బాగా అదుపుచేయాలి. బంధువర్గంతో విరోధం గోచరిస్తోంది. స్థిర,చరాస్తులు అమ్మే ప్రయత్నాలు వాయిదా వేయండి. స్వల్ప మానసిక ఒత్తిళ్లు పెరుగుతాయి. విష్ణువును పూజించండి.

మకరం :

శుభఫలితాలు లభించడంతో ఉల్లాసంగా ఉంటారు. అనుకోనిరీతిలో డబ్బు చేతికందుతుంది. మీకు అత్యంత ప్రియమైన వ్యక్తులను కలుస్తారు. కుటుంబ సౌఖ్యం పెరుగుతుంది. ఆత్మవిశ్వాసమూ వృద్ధి చెందుతుంది.

కుంభం :

ఎవరికీ పూచీగా ఉండకండి. అనవసర తగాదాలకు కారణమవుతుంది. డబ్బుకి కాస్త ఇబ్బందిగా ఉంటుంది. వేళకు భోజనం ఉండదు. ఇంట్లో చికాకులుంటాయి. మానసిక అశాంతి నివారణకు గణపతిని పూజించండి.

మీనం :

అన్ని రంగాల వారూ పురోభివృద్ధిని సాధిస్తారు. మానసిక స్థితి ఉత్సాహకరంగా ఉంటుంది. కొత్త బాధ్యతలు అంతులేని ఆనందాన్నిస్తాయి. కుటుంబ సౌఖ్యం ఉంటుంది. విందుల్లో పాల్గొంటారు. కీర్తి పెరుగుతుంది.